Çadır — Lunga kasabasının yaşayanı Marianna Tihu, bu yılın Baba Marta ayından MD kolaylıksız karıları kuruluşu prezidenti görevindä çalışȇr. Kuruluşun davaları hem neetleri için anandȇr Polina Barbova.
MD kolaylıksız karılar kuruluşu prezidenti Marianna Tihu nışannadı, ani kuruluşun baş davası — yardım etmää kolaylıksız insannara.
«Kurumun neetleri hem davaları — olma o insannarın yannarında, angılarına yardım lääzım. Bu kolaylıksız insannar, karılar için, uşaklar için, ihtiarlar için. Nicä praktika gösterer, kurum kaplȇȇr dil sade karıları, ama adamnarı da, bir laflan, hepsini, kimä yardım lääzım»,- nışannadı Marianna Tihu.
Kuruluş kuruldu 2020 — ci yılda.
«Diil çoktan akţiyayı geçirdik, daattık pampers hem döşek kolaylıksız insannar için. Bän götürdüm pampers yaşlı insannarın evinä o üzerä, ani orada var çok yatalak insan. Hep ölä getirdim pampers Beşalma küüyünä, neredä barabar primarlan daattık o insannara, angılarına en zor. Pek sevinerim, çünkü sade barabar var nasıl etişmää islä çıkışlara»,- söledi Tihu.
Haydar küüyün yaşayanı Födor Slav çizgiledi, ani bu kuruluş yardım edecek kolaylıksız insannara.
«Marianna var nasıl kontrol etsin işi, yardım etsin hem da işi bitkiya getirsin, ki hepsi sevinsin hem da islä yaşamak olsun»,- Födor Slav çizgiledi.
Marianna Tihu şükür etti hepsi partnörları yardım için hem da danıştı yalvarmaklan Gagauziya yaşayannarına.
«Eer siz istärsäydiniz baalantıları tutmaa, eer siz hazırsaydınız, bän açıkım bu işä, da pek sevinecäm barabar iilik yapmaa. «İilik ya»,- söledi Marianna.
MD kolaylıksız karalarl kuruluşuna girer Gagauziyanın üç rayonu da.
Moldovanın hem Gagauziyanın en mekalı haberleri GRTnın Telegram kanalında!