Komradın merkez meydanında miting geçti, neredä HT seçimnerinnän baalı soruşlar kaldırıldılar. Akţiyada avtonomiyanın yaşayannarı, cümnä çalışannarı, kuvedin temsilcileri pay aldılar. Pay alannar Gagauziyada cümnä-politika durumunu hem avtonomiyanın geleceeni açıkladılar.
Akţiyanın kurucuların birisi, cümnä çalışanı Mihail Vlah sayȇr, ani Kişinövun hem Komradın aralarında var olan soruşlar annaşmak uurunda açıklansınnar lääzım.
«Önemli soruşlar herkerä masaya oturup kararlanardılar»,- Mihail Vlah sayȇr.
Kendi bakışını Gagauziya Bakannık komiteti başı yardımcısı İlya Uzun açıkladı: «Büün burada Başkan görevinä pretendentlär dä yok, kendi bakışlarını açıklasınnar. İnsan onnara seçimnerdä, açan ayırmaa kandidatı lääzım olacek».
Pay alannar regionun soţial — ekonomika problemalarını açıkladılar. Mitinga avtonomiyanın üç dolayların yaşayannarı katıldılar.
«Kafadarlarımnan hodullanȇrın, angıları 90-cı yıllarda Gagauz avtonomiyasının kuruluşunda barabar durardılar».
«Akţiyada kendi bakışımızı, istediimizi belli ederiz, nesoy yoldan Gagauziya lääzım gitsin».
«Seçimnär mutlaka lääzım geçirilsinnär. Biz Gagauziya vatandaşları eni deputatları HT mutlaka lääzım seçelim, ki onnar çalışsınnar».
Cümnä çalışanı Födor Dobrov haberledi, ani Vatandaşlar topluluu geçirilecek, neredä Komradın yaşayannarı var olan soţial problemalarını belli edeceklär.
Moldovanın hem Gagauziyanın en mekalı haberleri GRTnın Telegram kanalında!