Sentäbr ain 21 Kişinöv kasabasında adetä görä «Единство через многообразие» ȇtno festival geçti.
Moldovadа ȇtno birlii yortusu nışannadı. Musafirleri Kişınövun meydanında karşıladılar. Festivalin neeti- halkların milli adetleri korunsun hem halkların arasında dostluk, annaşmak olsun.
«Usluluk devlettä başlȇȇr herkezin canından.Sade saygıylan biri-birimizä biz kuracez inanı hem birlii. Bölä varnicä destek koymaa, da aramızda kavga olmasın»,- nışannadı Moldova Devleti Prezidenti Maya Sandu.
Väçeslav Räbçinskiy, MD milletlär arası agentstvosu başı, nışannadı: «Ȇtno festival –bu diil sade kultura hem adetlär yortusu, bu Moldovada berleşmäk simvolu .Biz göstereriz çoyu halkların zenginnik sızıntılarını».
Ofiţial açılıştan sora,musafirleri konakladılar datlı imeklärlän,türkülärlän,oyunnarlan hem adetlärlän.Gagauzların türküleri meraklandırdılar Kişinöv kasabasının yaşayanını,onun kocası Kıpçaklıymış.
«Pek sevinerim,ani olay gözäl hazırlanmış ,kızlar pay alȇrlar-çok ii.Benim kocam yok ,ama o pek beenärdi gagauz halkını,kulturasını»,- nışannadı Gagauziya yaşayanı.
Viktor Petrov, Gagauziya Bakannık Komiteti başın yardımcısı, urguladı: «Biz göreriz, nasıl musaafirlär sevinerlär.Biz ikram ederiz onnarı gagauzların imeklerinnän,şarabınnan.Bizä meraklı pay almaa bölä yortuda kulturamızı, gagauzluu göstermää.Biz gagauzuz,yaşȇȇız bu gözäl,güneşli devlettä».
Moldova dostlu hem musaafirli kendi bakışını açıkladılar.
«Bän pek beenerim Moldovaya gelmää.13 yıl sıravardı gelerim».
«Hepsi pek gözäl, olay şıralı geçiriler.İlerdän siirek olardı,şindi taa geniştän taa meraklı».
Musaafirlär tanıştılar festivalin etnik toplumnarınnan. Herkezi dileer Moldovanın ecelindä hem komuşularda usluluk olsun.
«Ta bir meydan,neredä bizim kolayımız olȇr halkımızın kulturasın palılıklarını göstermää.Nekadar taa çok konuşmalar ,okadar taa kaavi dostluk.Pek sevinerim bulunmaa burada».
«Pek gögäl yortu, hepsi halklara ,angıları bizim devletimizdä yaşȇȇrlar. Gözäl hava, insannar hoşlu.Herkezi iilik isteer, yaşamaa birliktä.Kimsey cenkleri ,kavgaları istämeer».
«Moldova musaafirli. Biz çıfıt sokaanda bulunȇrız.Yaklaşȇr insannar,tanışȇrız,buluşȇrız dostlarımızlan. Moldova devletinä, İzrailä ,bütün dünneya usluluk dilerim».
«Okadar şıralı hem renkli. Bakın, hava da gözelletti festivali,bu bir nışan ,ani biz birliktäiz».
«Benim damarlarımda 4 halkın kanı var. Komuşu dostluu -pek önemli .Açan o var- ozaman birlik duȇr.Ozaman toprak ayozlu olȇr ,ana eri olȇr»
Bän Ukrainadayım. Bän usluluk için ,dostluk için.Şükär ederim ,ki kablettilär bizi Moldovada.
«Yortulu kultura olayı verdi kolaylıı yaklaşma Moldovada yaşayan herbir halkın adetlerinä, kulturasına».
Moldovanın hem Gagauziyanın en mekalı haberleri GRTnın Telegram kanalında!