36 /4 seçim bölümü, angısı bulunȇr Komrat primariyasında, açtı kendi kapularını seçicilerä deyni saat 7:00. Bu vakıtta şindän sora vardı o insannar, angıları erkendän taa beklärdilär vermää kendi seslerini seçimnerdä. Nicä hazırladılar bölümü seçimnerin başlamasına, üürendi bizim televizion grupamız.
Seçim bölümün açılışınadan komisiyanın azaları geçirdilär hepsi lääzımnı işleri, plomba koydular uranaya, daattılar bültenleri, da saat 7:00 açtılar seçim bürosunu. Listelerä görä bu bölümdä sayıya koyulu 1496 kişi, onnardan 6 aldılar talonnarı başka erdä seçmää deyni. Kabledildi 1493 bületen, onnardan 50 gagauz dilindä hem 50 devlet dilindä. Nicä nışannadı büronun başı Mariya Tomaylı, hepsi lääzımnı işlär yapıldı, da saat sekizädaän kendi seslerini verdi 38 kişi.
Nicä urguladı Mariya Tomaylı, Prezident görevinä seçimnerin ilk turuna geldi taa çok insan, nekadar başka yıllar, ama bületenneri ana hem devlet dilindä kullandı sadece bir kişi.
Taa bölümün açılışınadan insannar beklärdilär vermää kendi seslerini. Nicä onnar urguladılar, isteerlär, ki devlettä olsun ii tarafa diişmeklär, zeedelensin kazanç paraları, pensiyalar, ama en önemli usluluk hem annaşmak insannarın aralarında.
Nışannayacez, anı Prezident seçimnerin ikinci turuna çıktı iki kandidat , angıları ilk turda aldılar en çok ses. Gagauziyada saat edidä açıldı 68 seçim bölümü.