Orak ayın 10-da 2025 yılda imäk malların korunması milli agenstvosu açıkladı, ani yaşayannara korkunç olan köpeklerin 11 soyu edenmää hem büütmää Moldovada zapedilecek. Bu karar 2027 yılın ceviz ayında işlemää başlayacek.
Köpeklerin 11 soyunu zapetmäk yaşayanarın korkunçsuzluuna hem hayvannarı korumaya doorudulu, açıkladı hayvan hakları uurunda uzman Karl Luganov. Onun laflarına görä, bu dokument hazırlandı profilli organizaţiyalarınnınnan alarak esaba halklararası örneklerini.
«Lafederäk bu karar için , o kuruldu kinologların yardımınnan. Elbetki, büün bu sanırları lääzım koymaa, ki insannarın cevaplıını üüseltmää hem o köpeklerin davranışlarını belli etmää. Kararda yazılı diil köpleklerin tutması için, ama ani onnnarı zeedeletmää zapetmesi için»,- hayvan hakları uurunda uzman Karl Luganov açıkladı.
Bu listeyä girdi 11 köpään soyu : Akbaş, Amerikan bandogu, Amerikan pitbulteryeri, Braziliya buldogu, Bulmastif, Severokavkaz ovçarkası, Kampiero buldogu, Bulli kuta, Gull-dong, volkosoblar hem da onnarın gibridleri. Kinologiya merkezi çizgerleer, ani bu köpeklerin listesi başka memleketlerdä dä aktiv kullanılȇr.
«Bu sayı pek aktual dill sade MD-dä, ama başka devletlerdä dä. Bu sayıyı kurarkana, esaba alındılar köpeklerin psihika özellikleri. İlk sırada bulunȇrlar o çeşitlerdä köpeklär, angıları insannara pek dayanamȇȇrlar. Hem onnarın kurkunçluk uuru insana deyni pek üüsek»,- Vladimir Ruin MD kinologiya merkezin başın temsilcisi açıkladı.
«Общественный интерес» programanın musaafirleri açıkladılar, ani saabisiz kalan köpeklerin sayısı bu kanonun işlemää başlamasından sora var nicä zeedelensin. Nicä nışannadı Valkaneş kasabasının primarı Nikolay Posmak durum boşta gezän köpeklärlän pek kötü. Onun için onnar arayacaklar çıkış bu durumdan, neçinki bu durum pek önemni büünkü gündä.
« Eer yaşamak punktunda varsa maasuz er bölä hayvannarı tutmaa deyni, onnarı orayı lääzım götürmää, eer yoksaydı- sterilizaţiya onnara yapmaa. Bu işi yapmaa deyni , maasuz kurumnarlan annaşmaklar olsunnar lääzım. Bu pek büük harçlara var nicä getirsin. Problemayı lääzım açıklamaa diil primȇriyaların uurunda, ama Parlament hem devlet uurlarında»,- Valkaneş kasabasının primarı Nikolay Posmak nışannadı.
Avtonomiyanın yaşayannarı sayȇrlar, ani boşta gezän köpeklärlän baalı durum pek kötü hem onu lääzım çözmää . İnsannar söleerlär, ani korkȇrlar gezmää sokakta diil sade karannıkta, ama gündüz dä.
« Kasabanın merkezindä herbir tükenin dolayında var 2-şär, 3-är köpek. Bän sanȇrım , ani insanda varsa köpek, en ilkin o lääzım üüretsin onu. Eer ama insan bakmarsa o hayvanı hem bişeyä üüretmärsä , elbetki o korkunçlu olacek ».
« Sanȇrım, bu kanon olacek lääzımnı , neçinki çoyu insan gidip devlettän , brakȇrlar kendi köpeklerini sokaklarda başa-boş»
« Onnar çok var , herbir çatrakta. Korkȇrsın gezmää da.Haliz bizim tarafta, Yalpugun tarafında, pek çok köpek var».
« Elbetki , boşta gezän köpek pek çok var kasabamızda, da bununnan lääzım nesä yapmaa, neçinki var hayvannar, angıları korkunçsuzsuz, ama var öleleri dä , angıları var nasıl abansınnar da. Avşamneen çok uşak gezer , insannar uşaklarlan da küçülkär kaçıp bir tarafa , var nasıl karşı gelsinnär korkulu köpeklärlän».
« Nicä sizä sölemää , eer hayvannar ii bakılarsalar hem doyurularsalar – problema olmayacek. En ilkin onnara em lääzım».
Uzmannar açıklȇrlar, ani hayvannarın bakması uurunda istedikleri kurmaa hem üüseltmää cümnedä lääzım.
« Eer herbir insan annaarsa, ani yaparak sterilizaţiya kendi köpäänä , o yapȇr bir küçük adım te ona, ki 5-10 yıldan sora bizim devlettä kalmayacek boşta gezän köpek»,- Lidiya Vinogradova Kişinövdan yardımcı açıkladı.
Eni kanon hayvannarın koruması için kuvedä girecek 2027 yılın ceviz ayında.
Moldovanın hem Gagauziyanın en mekalı haberleri GRTnın Telegram kanalında!