Moldovanın energetika ministerlii iyül ayın 29-da haberledi konkursun çıkışları için «Moldovagaz» çorbacılıın pravleniyasının azası olması için, ensedi burada Dorin Jungietu, angısı en çok bal kazandı.
Taa üç kişiyi ministru Viktor Parlikov ayıracȇk. Ministerlik temsil etti bölä kandidatları nicä, Roman Stavila, Vadim Çeban,Konstantin Voziyan, Ȇduard Kalança, Radu Mandraburka hem Doyna Voziyan.
Getirderiz akılınıza, ani konkursa 37 kişi katıldı, 33-çü onnardan etiştilär intervyü etapınadan. Yaraşmanın kurallarına görä, kandidatlar lääzım Moldova vatandaşları olsunnar hem universitet bitirsinnär. Hep ölä «Moldovagaz» çorbacılıın kullanıcıları diil lääzım partiyada bulunsunnar. Kandidatların minimal iş stajı üç yıl olsun lääzım , onnardan makar bir yıl öndercilik uurunda.