Moldovanın kurtarıcıların komandası 40 kişidän kurulu, angıları Greţiyanın Nea Makri regionunda iyulün 16-dan avgustun 15-nä kadar yangınnarı sündürärdilär, evä döndülär.
Kurtarıcılara verdilär şannı diplomnarı, İç işlerindä ministru Adrian Efros şükür etti onnarı kuvetlär için geçirilmiş missiyada, bu vakıdın süresindä onnar kurtardılar yangında 3 kişiyi, yazȇr newtv.md.
Ţeremoniyä başladı susmak minuttan, adalı Denis Timohinın anmasına,angısı ömürünü kaybetti ateş sündürmesinin vakıdında Floreşt dolayında avgustun 14-dä.
«Olayda pay aldılar İç işlerindä ministru Adrian Efros hem İnspekţiyanın başı polkovnik Aleksandru Oprä. Ofiţial kişilär kutladılar hem şükür ettilär komandayı almak için devlet arası missiyada, angısı ii uurda geçirildi Evropa Birliin Cümnä koruntuluunda mehanizma programması aşırı barabar grek kollegalarlan», — ekledilär kuvetlär.
Moldovanın kurtarıcı komandası pay aldı 8 büük yangının sündürmesindä hem kurtardılar 3 kişiyi.