Moldovanın yaşayannarı satın alamayaceklar dizeli büük sayılarda –üzär hem ikiüzär litraya kadar birdän. Dizel malların krizisların üzerinä kuruldu limit — 20 litraya kadar setrtifikatlı kaplar için.Bunun için Hükümetin oturuşunda, mart ayın 18-dä, nışannadı Krizisları kullanmak milli merkezin öndercisi Sergey Dyakonu.
Mart ayın 5-dän 16-nadan durumun analizindän hem kurumnarın koordinaţiyasından sora, uzmannar kayıllaa geldilär yapmaa şindiki kolaylıkları taa uygun, nışannadı Krizisları kullanmak milli merkezin başı Sergey Dyakonu: «Bizdä var sayıya konulu spekuläţiya hem ölçüyü geçän olayları hem annaşılmadık satın almaklar baamsız kişilerin tarafından petrol malların satmasında stanţiyalarda kanona karşı kaplarda.Onuştan da teklif ederiz bir vakıda durgutmaa dizelin satmasının korumak kaplara 20 litraya kadar, durgutmaa deyni ölçüyü geçän olayları.Laf gitmeer maşinaları doldurmak için 20 litraya kadar.Siz var nicä maşinaya alasınız bütün baka, hem taa doldurasının kanona görä kanistrayı 20 litraya kadar. Ama var olaylar,açan insan geler kaplarlan 200 litradan zeedä almaa deyni, bu iş verer baskı panayıra».
Kuvetlär urgulȇȇrlar,ani bu kolaylıklar bir zamana doorulu tutturmaa panayırın stabil durumunu hem önemli izmetlerin durgutmaksız çalışmasını.
Moldovanın hem Gagauziyanın en mekalı haberleri GRTnın Telegram kanalında!