Moldovanın MSK saydı, kaç kişi Prezident seçimnerin ikinci turunda ses verdi. Belli edildi, ani bütündän seçim bölümnerinä 1 million 680 bin 608 vatandaş geldi.
Prezident Maya Sandu prezindent görevinä seçimnerin ikinci turunda taradı. İnsanın 54%-tän zeedesi ayırmaya çıktı. En aktiv pay aldılar seçicilär 36 — 65 yaşında.
«Merkez seçim komisiyasının adından seçicilerimizi şükür ederiz, ani seçimnerä çıkıp, borcunu verdilär. Devletin kuvetleri seçimnerin geçirimesindä yardım ettilär. Diplomatiya izmetleri hem diaspora seçimnerin geçirilmesindä yardım ettilär»,- annattı Anjelika Karaman, MSK başı.
«Seçim kodeksı belli eder, ani kandidat, angısı ikinci turda en çok ses aldı — o da tarȇȇr», — söledi Karaman. O hep ölä çizgileri, ani var olan haberlär öncä sayılı. Ofiţial haberlär taa belli edileceklär.
MSK 225 kanona karşı gitmesini seçimnerdä açıkladı. Onnarın arasında — bületennerin fotoya çıkarılması seçim günündä, agitaţiya, insannarı seçim erlerinä taşımaklar. Bundan kaare, komisiya belli etti yalan haberleri seçim erlerin bombalaması için devlettä hem yabancılıkta, Rıbniţa hem Rezina aralarında geçän köprüsündä.