Moldova devletin Parlament seçimnerinä karşı Merkez Seçim Kampaniyası haberledi «7 dezinformaţiyayı belli etmäk metodları» kampaniyası için. Bu iniţiativa yollandırılı ona, ki yardım etmää yaşayannara, ayırmaa dooru haberleri yalancı haberlerdän, da verilmemää manipuläţiyalara.
Moldova Seçim Komissiyası viţe — öndercisi Pavel Postikȇ çizgiledi, ani dezinformaţiya kalȇr bir en kötü iş cümnä için. Onun laflarına görä, onu belli etmäk kampaniyası geçiriler her yıl, neçinki yalancı haberlerin sayısı hem da manipuläţiyaların sayısı büüer. Postikȇ nışannadı, ani memleketin yaşayannarı lääzım bilsinnär bunu hem da becersinnär ayırmaa doorulu yalandan, neçinki maasuz bundan çekiler seçmäk proţesin acıklıı hem da doorulu, çizgiledi o.
«Açan biz söleeriz seçmäk için, bizim yaşayannar lääzım esaba alsınnar, ani insannar lääzım haberleri kabletsinnär ofiţial sızıntılarından — bu ilk, ikinci — onnar lääzım üürensinnär hepsi informaţiyayı, angısı etişer onnara, da sade ozaman onnar var nasıl baksınnar hem da üürensinnär te o kandidatların programalarını, angıları pay alȇrlar seçimnerdä. Var bir sıra dezinformaţiya, açan kullanılȇr yapılmış intelekt»,- Pavel Postikȇ çizgiledi.
Bizim çeki grupamız üürendi Gagauziyanın yaşayannarından, nesoy onnar informaţiyaya analiz yapȇrlar, ne esaba alȇrlar hem da nesoy sızıntıya inanȇrlar.
«Bän taa ayıramȇȇrım, kimä inanmaa, vakıt zor, da bän taa kantarlȇȇrım, nicä söleerlär hem kim söleer».
«Kim yapȇr cümnä için hem da insan için düşüner — onnara inanȇrım».
«İnanȇrım onnara, kimä inanȇrım, da bilerim, ani onnar yapaceklar, ama inanmȇȇrım onnara, kim sade söleer da bişey yapmȇȇr. Şindi vakıt zor, olȇr ölä, ani dostlar biri — biri satȇrlar».
«Bän kimseyä inanmȇȇrım, neçinki sade söleerlär da bişey yapmȇȇrlar. Onnar düşünerlär sade kendileri için, düşünmeerlär insan için — lääzım iş yapılsın, da sade sölämemää».
«Bän hiç kimseyä inanmȇȇrım, televizoru bakmȇȇrım şindän sora 6 yıl, da sanȇrım, ani bu sade islä için. İnternetta var hertürlü insannar, da genä lääzım becermää ayırmaa onnarı, kimä inanmaa, kimä da inanmamaa. İnanmarsaydın hiç kimseyä — ne lääzım yapmaa. Lafedärsäydik kandidatlar için, bän sayȇrım, ani insannar benim yaşımda, da bilerlär hepsini, da yapabileceklär nesoysa çıkışları da annayaceklar, var mı nasıl inanmaa, yada yok nicä».
«Ekleniniz korumaa deyni sesi hem demokratiyayı. Barabar biz var nasıl durgutmaa manipuläţiyaları, ki seçimnär proţesi dooru hem yannışlıksız geçsinnär»,- söleniler MSK danışmasında. Kampaniyanın süresindä habeleneceklär nasaatlar, nesoy belli etmää feykları, kontrol etmää deyni dooru informaţiyayı.
Moldovanın hem Gagauziyanın en mekalı haberleri GRTnın Telegram kanalında!