Bu yıl bakalavra ekzamennerin vermäk sesiyasına katıldı 582 kandidat, onnarın arasında 25 kişi onnardan kim geçän yıllarda verämedilär ekzamenneri. Başarılı ekzamenneri verdi hem bakalavra diplomunu kabletti 557 üürenici, ne kurȇr 96 %. Orta bal da çıkışta kurdu 7,08.
Gagauziyanın üüretim bakannıında söleerlär, ani bakalavra ekzamennerin vermesindä çıkışlar bu yıl taa ii, yaraştırpıp geçän yılın çıkışlarını. Yaraştırmak için 2023-cü yılda ekzemenneri başarılı verdi başarannarın 93%, orta bal da kurdu 7,05. Bu yıl bu ţifra 7, 08 kurdu.
«Bu yıl sesiyaya katıldı 557 başaran da sevinmeli nışannamaa, ani 96% onnardan verdilär ekzamenenri başarılı hem da diplomnarı kablettilär»,- üüretim bakanı Natalya Kristeva annattı.
Ekzamen vermesindä kalitelik proţendi 36-yadan etişti. Bu çıkışlar taa üüsek bıldırkılardan hem da biraz taa üüsek devlet uurlarından, urguladı üüretim bakannı Natalaya Kristeva.
«Avtonomiya başarannarın 30 % verdilär bakalavra ekzamennerini 8,9 hem 10 notaya. Biz herzaman esaba alȇrız vermişlerin proţendinä bütünnä devlettä. Yıl- yıldan proţent avtonomiyada biraz taa üüsek, nekadar bütünnä respublikada. Bu yıl Moldovada ekzamenneri vermişlerin proţendi 95% , ama bizdä 96,23%»,- söledi Kristeva.
Bakalavra ekzamenneri vermedilär onar kimdä 10 bal vardı. Gagauziyada bu 47 kişi.
«Eer sölärsäydik ii dinamika için. İsteerim nışannamaa, ani 110 iş notayı on kablettilär, 162 test notayı 9, 746 iş tä notayı 8 kabletti, 788 iş 7 notayı. Biz göreriz, ani taa çok üüsek notalar var, bu bizi,elbetki, sevindirer»,- nışannadı bakan.
Gagauziyanın üüretim bakannıın başı Natalaya Kristeva annattı kolaylıklar için üürenicilerä deyni kim kötü notaları kabletti.
«Bizdä var 21 uşak, angılar kötü notayı kablettilär da onnarda var kolaylık üç yılın içindä enidän ekzamenneri vermää parasız. Lääzım sölemää, ani registraţiyayı ekzamen vermesi için lääzım fevralin 15-şinädän geçmää, vermää bildirimi, ani başaran isteer ekzameni vermää»,- nışannadı Natalya Kristeva.
Natalaya Kristeva urguladı, ani bölä üüsek çıkışları kazanmaa deyni çok zaamet üüredicilär da koydular. O umutlanȇr, ani ileriya dooru da regionda üüretim taa kaliteli olacȇk hem taa ii ilerlenecek.