İnsannar söleerlär , ani kısmetli momentleri var nicä bulmaa hergün. Kimsey bulȇr onnarı ayledä , kimi sä iştä ,kimi sä yaz dinnenmektä.
Tezdä yaz vakıdı bitecek , ama insanda taa var kolaylık aşırıya dinnenmeyä gitmää yada kendi vatanında bunun için uygun erleri bulmaa . Biz sorduk bizim yaşayannara , ne onnara en önemni, açan dinnenmek için erleri ayırȇrlar.
Yaz- dinnemäk vakıdı , her yıl milionnarlan insan düşüner , nereyi gitmää dinnenmää.Ama ne insannara en önemni , açan onnar düşünerlär yaz dinnenmesi için. Bizim Gagauziyanın yaşayannarı söledilär kendi bakışını , angı faktorlara görä dinnenmäk erlerini ayırȇrlar.
«Sanȇrım, ani gitmää yaz dinnenmeya lääzım orayı , neredä pak deniz .Bakmaa eni erleri. Lääzım gitmää orayı, neredä yok bölä erlär, angıları var bizim vatanımızda».
«En önemni , ki olmasın zorluklar , olarsaydı güvennik, orada , nereyi biz gideriz.Taa bir sıra , en önemni olmasınnar zorluklar yolda. Oturmaa maşinaya , bakmaa kartaya, da gitmää orayı, nereyi isteersin , bän ölä sanȇrım . Da evä dönmää , bunu isteerim».
«Nesoy dinnenmäk , siz naşey. Biz unuttuk ne o yaz dinnenmesi. Açan işlärdik , her yıl gidärdik denizä iştän. Ama şindi, hiç yok dinnenmäk.O vakıt ta parasız gidärdik dinnenmää».
«Sanȇrım, ani en önemni garmoniya, bulmaa kendi kendini».
«Bän, açan giderim dinnenmää, sanȇrım, ani bän geldim dinnenmeyä, da kimsey dill lääzım beni dolaştırsın».
«Dinnenmäk — o bir vakıt, açan lääzım sade oturmaa restoranda , gezinmää parkta . Dinnenmää iştän».
«Bän bilmeerim . Şindi gençlerin başlarında bilmeerim ne , ama bizdä başka olardı».
«Sanȇrım, ani dinnenmää, bakmamaa işlerä da birazçık unutmaa hepsini, ne vardı iştä».
Açan insannar düşünerlär , ne yapmaa yaz dinnenmektä , onnar aarȇrlar garmoniya olsun , islä paa olsun , hem da güvennik.
Var insannar, angı aarȇrlar aylä dinnenmeyi denizdä, başkası aarȇrlar eni açıları hem aktiv gezintileri.
Moldovanın hem Gagauziyanın en mekalı haberleri GRTnın Telegram kanalında!