Bu gün, oktäbrinin 29, bütün dünnedä insult için haberlemäk günü bakılȇr. Bu yapılȇr onun için, ki insannar bu derdin nışannarını bilsinnär, yardımcı olabilsinnär hem dä kendi saalıklarını korusunnar.
Ölümnerin sebeplerin birisi- insult hastalıı kalȇr. Moldovada 2005 yılda insult hastalıını eni tehnologiyaları kullanarak ilaçlȇȇrlar, paylaştı Komrat dolay bolniţanın sinir bölümün başı, Alla Harko: «Saalıı korumak ministerliin hen hükümetin, halklararası partnörların yardımınnan Komrat dolay bolniţasında oldu kolaylık vermää üüsek uurda yardımı paţientlerä. Burada açıldı ilk insult merkezi, neredä var kolaylık insannara yardım etmää ilk saatlarda, angılarda insult belli edildi».
Doktorlar nışannȇȇrlar, ani lääzımnı ölçülär, ki durgutmaa insultu lääzım geçirmää ilk 4,5 saadın içindä. Onun için, uzmannarın laflarına görä, paţientlär hem da onnarın yakın insannarı önemli belli etsinär insultun ilk simptomnarını.
«İnsult- o mozaktan geçän kanın kimi erlerdä trombozu, yada okklüziyası. Ona görä mozaan kimi erleri ölerlär, angıları götürerlär nevrologiya defiţitlarına»,- nışannadı uzman.
Herbir minut insultun belli edilmesindän sora mozakta kaybeler milionnan neyron, ama zamandaş ilaçlamak var nasıl korusun yaşamayı.
«Lääzım insannarı haberlemää, ki insannar bilsinär bunun için. Kolaylıklarına görä yardım etsinär, ki insan ilaçlansın».
«Bän işittim bu hastalık için, ani büük yaşta insannarda olȇr bu iş».
«Bu pek önemli, neçinki bölä olayın herbir minudu söleer yaşamak için. Benim bobamda oldu bölä».
2025 yılın bütünnä dünnedä insultlan güreşmäk sloganı «Herbir minut sayıda». O çizgileer hızlı belli etmäk için er kaarşı gelärseydiniz bölä hastalıklan.
Moldovanın hem Gagauziyanın en mekalı haberleri GRTnın Telegram kanalında!