Dezgincä küüyün büük sokaan bütün uzunnuunda örüyennerä deyni yolu yaptılar. Erindeki kuvetlerin hem yaşayannarın laflarına görä, bu kolaylık korkunçsuz örümeyä getirdi. Proekt küüyün üzünü diiştirdi: o zamandaş istediklerä görä diişti, korkunçsuz gezmäk oldu hem sokak tertipli oldu. Proektin geliştirilmesi için Svetlana Dimitroglo üürendi.
Dezgincä küüyün metkez sokaanda trotuarın uzunnuu 4 km. 700 м kurdu. Bir metradan zeedä örümäk yolu brusçatkaylan erleştirildi. Şindi yaşayannar trotuarda komfortlan örüyerlär, yol üstünä sıra gelmeer çıkmaa. Bu yol razgelemelerin olaylarını azaldȇr, söleerlär yaşayannar.
«Taa ileri hererdä çamurdu, şindi insan pak troturda gider. Taa ilin örümää».
«Kışın, açan yolu kaardan paklaardılar, insan yolun ortasından gidärdi».
Proekt trouarın yapmasında dört yılın sırasında çalıştırıldı, belli etti primar Vasiliy Kapsamun.
«Küüyün merkezindän iki tarafın kenarlarınadan trotuar plitkası koyuldu. Büün bizim uşaklarımızın, yaşayannarın korkunçluksuz örümesi büük sokaamızda» ,- açıkladı primar.
Proekt aslıya çıktı yol fondun finanslarına görä. Trotuarın yapılmasına yakın 4,5 mln. leyä harcandı.
Avtor: S. Dimitroglo, operator: V. Kıssa, montaj: M. Kazaku
Gagauziyanın en mekalı haberleri GRTnın Telegram kanalında!