Paskellä yortularında Panaiya İver ikona karı monastiri kurbanını nışannȇȇr.
Panayıya İver ikona karılar monastıri Moldovanın ayozlu hem raat erlerin birisi. Aydınnık Paskelä yortularında burada kalaba.İnsan aylelerinnän barabar ayozlu ikonaya duva etmää geler.
«İnanı önemni korumaa hem uşakları dooru terbietmää. Evlad boylarına analar-bobalar örnek».
«Biz masuz Panayıya ikonasına geleriz. O bizä pek yardım eder».
«Bu gün pek önemli.Monastır taşıyȇr Panayıya İverskiy ikona adını, da her yılın Paskelenin 3-cu günü düşer bu ikonanın günü, bu önemli».
Ayozlu er -karı monastıri pravoslav hristiannara duva etmäk merkezi oldu. İnsannar inannan Allaha hem umutlan uslulaa, raatlaa burayı bütün devlettän hem aşırlardan gelerlär .
«Bu günü olȇr ayozlu liturgiya, kruçalı gezinti.Biz popazlarlan toplanerız ,da yortulȇrız Paskeleyi insannan bilä. Herkerä lääzım şükür etmää Allahı.Hepsinä duva ederim olasınız sevgili hem annaşmakta yaşayayasınız. Uzun ömür hepsinizä », — Protoierey Födor Karabadcak nışannadı.
Aydınnık Paskelä yortularında Panayıya İver ikona karılar monastırin kurbanı herbir insana ihlam verer, iiliktä hem sevgidä inan onnarı birleştirer.
Moldovanın hem Gagauziyanın en mekalı haberleri GRTnın Telegram kanalında!