Коmratta «Paskellä-2026» paskellä-yarmarka sergisi açıldı. Erindeki hem devletin üülen tarafın iş adamnarı kendi mallarını temsil ettilär, paskalardan çekettiynän da el işlerinnän başardıynan.
«Paskellä-2026» yarmarka-regisindä erindeki malları yapan çalışannar hem devletin üülen tarafın iş adamnarı pay alȇrlar. Sergennerdä paskellä tatlılıkları, süt, et malları, ustaların el işleri. Alıcılar serginin yakışıklıını hem paalarını belli ederlär.
«Paalar yarmarkada yakışıklı. Sergiyä sevineriz. Bän paskellä ruletlerini hem küçük paskacıkları unukalarıma aldım».
«Bu satıcıya uz geldim geçän yıl hem burada aldıydım, beendim. Bu yıl da ona geldim. Yakışıklı burası, çünkü hepsi mallar bir erdä toplu. Gelän Päaskellä yortularınnan hepsini kutlȇȇrım usluluk dünnedä hem saalık olsun».
İş adamnarı söleerlär, ani alıcıların var kolaylıkları pişirmekleri hem başka malları datmaa.
«İnsan datsın var nicä. Hepsicii sevgiylän insana yapılı. Paskaların hem ruletlerin içindekileri başkalanȇrlar. insan meraklanȇr, sorȇr, alȇr. Paalar uygun».
«Çok türlü mallar sergidä teklif edilerlär. Herkezin var kolaylıı alsın, ne ona lääzım».
Kendi el işlerini Gagauziya ustaları da teklif ederlär.
Nikolay Kroytor Gagauziya ustası: «El işlerini sergidä biz dä teklif ederiz».
«Paskellä-2026» paskellä -yarmarka sergisini ofiţial alış-veriş palatasının temsilcileri hem primariyanın öndercilii açtılar.
«Malların kaliteleri üüsek».
«Biz hepsi iş adamnarına kapuları açȇrız».
«Paskellä-2026» yarmarka-sergisi Komratta 15-ci kerä geçiriler. Sergi 3 gün geçirilecek.
Moldovanın hem Gagauziyanın en mekalı haberleri GRTnın Telegram kanalında!