Paskellä günnerindä Komrat kasabasının yaradıcılık Evindä uşakların el işlerindän kurulu sergi açıldı. Türlü çevrilerin terbiedenneri yaratmalarını hazırladılar.
Şıralı renklär, incä detallär hem uşak fantaziyası bu sergiyi gerçek bir incä zanaat yortusuna çevirer. Burada gösterili, nasıl uşaklar kendi duygularınnan ilkyaz hem ruh havasını duyup göstererlär.
«Paskellä — bu çok aydın bir yortu . Biz kızkardaşımnan birliktä biserdan gözäl işleri hazırladık: yumurta, paska, sepet. Elimdä tavşam. Hepsi Paskellä yortunun simvolları .»
«Derstä biz üredicimnän bilä bir yaprak yaptık. Onun içinä yumurta koyma var nicä . Bu pek gözäl»
Genç avtorlar kendi duygularınnan paylaşırlar. Onnar annatırlar, ne ihlam verdi onnara bu el işlerini yapmaa, ne materyallar kullandılar hem nedän Paskellä yortusu onnar için önemli.
«Paskellä gününä karşı kozanak pişirerlär , yumurtaları boyȇrlar, ama bän kendi dostlarım için bölä bir küçük suvinmeli sürpriz hazırlȇȇrım».
«Bu resimi bän Paska sergisi için yaptım. Burada paska hem boyalı yumurtalar».
Yaradıcılık Evinin resim çevresinin pedagogu Natalya Deçeva açıklȇȇr, ki bölä sergilär uşakların becermeklerini göstererlär hem adetleri üürenerlär.
«Paskellä yortunun teması hem atributları diişmeerlär. Uşaklar çalışȇrlar yaratmalarında Aydınnık yortusunun tertiplerini kullanma.Gerçektän pek gözäl hem meraklı»,- Natalya Deçeva açıklȇȇr.
Üüredicilär nışannȇȇrlar, ki Komrat kasabasının yaradıcılık Evindä uşakların el işlerindän kurulu sergisi yortulu günnerdä misaafirleri sevindirecek.
Moldovanın hem Gagauziyanın en mekalı haberleri GRTnın Telegram kanalında!