Aprel ayin 1-dän pensi̇yalar 10 %-dä zeedelenerlär. Bu zeedelenmäk 750 bin insana ilişecek.
Yaşa görä pensiyaya çıkannarın aylık ödekleri 3055 bin ley kurȇr. Kolaylıkların zorlanmasına görä ödeklär 1527 leydän başlȇȇrlar hem 2291 leyädän etişerlär. Gagauziya yaşayannarı pensiyaların zeedelenmesi için kendi bakışlarını açıkladılar.
«Birazçik taa islää yaşayacez».
«Pek az, ama bu da islää. Bunun için da saa olsunnar. Elbekti, etmeer».
«10%-dä kaldırdıynan, nekadar olȇr, 100 ley mi? Elbetki, bu para etmeer, pensioner, angısı işlämeer, nesoy ödesin harçları, giinsin , isin.Onnar zavalılar ne giinerlär, olmalı benim gibi eski rubalaı giyerlär. Eni ruba almȇȇrım, çünkü herbir kopeykacıı koruyȇrım».
İnsannar söleerlär, ani eer onnar taa üüsek pensiyaları kabletselär dä o hep okadar etmeyecek, çünkü imäk mallarına paalar pek kalktılar.
«Elbetki diil, ne var nica satın almaa 10%-lik zeedelenmäklän. Eer insanda 1500 leysäydi, 150 leyä zeedelener. Ne büün alacan 150 leylän? Bizim vakıdımızda bu paraya yok ne almaa».
«Elbetki, paalar bizdä pek büük, ay paramız Moldovaya görä. Sade gazı ödemää eter-o da paalı».
«Siz bilersiniz mi, bän pensiyadayım, ama bilmeerim. Pez zor yaşȇȇrız. Sayȇrım, ani pek az, büünkü yaşamakta makar 3,4 bin lääzım olsun. Hem oduna etsin, hem harçlara».
«En küçük yakın 7-8 binä. Elbetki, taa az diil lääzım olsun. Yazın taa yakışȇr, kışın sa pek zor, gaz, su, şavk ödensin lääzım».
«Pek islää. Pensiyam eter mi, neyä? İlaca etmeer, ne var nicä almaa 2777 leylän, kendiniz düşününüz. Neyä bu para yakışȇr etsin. 46 yıl sıravardır vergi ödedim».
«En ilkin isteerim sölemää, ani bu diil zeedelenmäk, ama indeksaţiya. İnfläţiyayı da esaba almaa lääzım. Kimin pensiyası 2500-3000 ley, onnarda sade 300 leyä zeedelendi. Onnarda sa, kimin pensiyası 10000 ley, onnara 1000 leyä kalktı. Kimin pensiyaları küçük, onnara taa zeedeletsinnär lääzım».
Pensiyaların zeedelenmesi 750 bin insana ilişecek. Onnara, kimin pensiyası devletin orta aylık kazançtan taa zeedä, onnarın zeedelenmesi taa az olacek. Cümnä sigortalaması millet kasası haberleer, ani pensiyaların indeksaţiyası ex ofocio gerçekleer, hem yaşayannar diil lääzım dokument bu iş için toplasınnar. 10%-lik indeksaţiya işin devlet bücetindän 1 mld.leydän zeedä verilecek.
Moldovanın hem Gagauziyanın en mekalı haberleri GRTnın Telegram kanalında!