60 yıl geçti o vakıttan nicä L. Pokrovskaya «Грамматика гагаузского языка. Фонетика и морфология» kiyadı tipardan çıktı. Bununnan baalı KDU tombarlak masa geçirildi, angısında bilim adamnarı, üüredicilär, studentlär, bibliotekacılar hem yazıcılar pay aldılar.
Anmak günü ölä nicä kiyadın tiparlanılmasının 60 yılı, taa bir sebep Lüdmila Pokrovskii aklına getirmää nicä kişiyi kim büük rolu oynadı gagauz dilin ilerlenilmesindä hem bütünnä türkologiya bilimindä. İlk ne yaptılar tombarlak masanın kuruycuları, gittilär da çiçek koydular o erä neredä bu insan yaşamış bitki günnerini.
Çiçeklerin koyulmasından sora gagauz filologiya hem istoriya kafedrası tombarlak masayi kurdu. Olayda laf gidärdi L.Pokrovskaya türlü bilim işleri için. Nicä nışannadı kafedranın başı Galina Mutaf, bu işlerin çoyu büün dä aktual hem faydalı kalȇrlar, onnarlan hem üüredicilär hem üürenivcilär kullanȇrlar.
Teklifedili musaafirlerin aralarında vardı başka devletlerin bilim adamnarı da, angıları tanışardılar Lüdmila Pokrovsiylän. Onnar tombarlak masada onlayn formatında pay aldılar. Lääzım nışannamaa, ki «Грамматика гагаузского языка. Фонетика и морфология» kiyadı 1964 yılda tiparlandı. Lüdmila Aleksandrovna Pokrovskaya adını Gagauziyada çoyu biler. Anılmış türkolog, filologiya bilgilerindä doktor, profesor, gagauzların dilinin hem kulturanın aaraştırıcısı, dünnä adında bilimci hem Gagauziyanın şannı insanıydı.
Avtor: L.Novak, operator: A.Glekov, montaj: A.Topal