Hederlez ain 18-19 Poloniyada Varşava kasabasında grȇpling Dünnä çempionatı geçti. Gagauz sportçusu Pötr İbrişim 100 kiladan zeedä kategoriyasında Dünnya çempionu oldu.
Dünnä çempionatında Gagauziya sportçusu Pötr İbrişim Moldova toplumunnan pay aldı . Herbir düüştä sportçu kuvedini ,tehnikasını hem istemesini taramaa gösterdi.
«Benim konkurentlerim oldular –Vengriyadan, Almaniyadan, Poloniyadan sportçular. Buluşmalar meraklıydı. Sportçular da kaaviydi»,- annattı Pötr.
Bän çıktım da gösterdim hepsini,ne trenirovkalarda üürendim
«Her günkü çalışmalar sport salonunda-verelär üüsek çıkışları»,- urgulȇȇr sportçu. Yarışmalarda her keret Dünnä çempionunu tutturȇrlar trenerlär hem onun yakın insannarı.
«Oguz-fayt» klubun salonunda geçirerim sınışları trenerlarlan- Kazanjı Födorlan , Sarandi lan, Verbin Stanislavlan. Benim trenerlarım -professional. Üüsek uurda götürerlär hem bilerlär kendi işini»,- urgulȇȇr sportçu.
Trenerlardan kaare tutturȇr beni yavklum.O her zaman benim yanımda .Kuvet verer hem inan, ani hepsi ii olacek. Pötr İbrişim ikinci keret katılȇr Dünnä çempionatına, da Çempion titulunu kazanȇr.
Moldovanın hem Gagauziyanın en mekalı haberleri GRTnın Telegram kanalında!