Sentäbrinin 25 Komradın nasaatçıları oturuşu geçirdilär, neredä kimi soruşlar açıklandılar hem kararlandılar.
Komradın muniţipal nasaatın oturuşunda sentäbrinin 25-dä ilk soruştu «Malları paketlemäk kurumu» proektin finanslaması kasabanın büdjetindän.
Маriya Seyz primariya uzmanı: «Proekt notalandı, finanslamaya da inandırıldı. Avgustun 28-dä finanslamak kontraktı imzalandı. Proektin çerçevesindä 10 buz dolabı kamerası yapılacek, odalar işçilerä deyni, ofis odaları».
«Malları paketlemäk kurumu» proekti iki ȇtapta yapılacek, belli etti primariya uzmanı Mariya Seyz: «Birinci ȇtapta – sklad odaları, adamnar için odalar, neredä kameralar olaceklar hem hepsicii, ne için öncä açıkladıydım».
«Malları paketlemäk kurumu» proekti 36 mln. leya kararlı: «Onnardan 24 mln. 997 bin ley millet fondundan regionnarın hem erindeki erlerin ilerlemesinä. Erindeki kontribuţiyalar 11 mln. leydän zeedä kuraceklar».
Komradın uzmanı nasaatçılara danıştı «Malları paketlemäk kurumu» proektini tuttursunnar da proektä 2025-ci yılda yakın 6 mln. leyä verilsin para. Nasaat hep ölä baktı proekti Komradın Pobeda, Tretyakova hem Lenina sokaklarında kimi paylarda suyun geçirilmesini.
«Proektin paayı 33 mln. leyi geçer. Bizim kontribuţiya 3 mln. 342 bin 796 ley. Teklif ederiz proekti tutturasınız hem veräsiniz kayıllıınızı 1 мln. 132 leyä».
Hep ölä Komradın primariyası Lenina sokaan enilenmesini bildirdi. Proektin sırasında transport infrastrukturası enilenecek, transporda deyni durak erleri yapılaceklar, Komradın yaşayannarına deyni taa komfortlu koşullar yapılaceklar.
«Yolun payı, angısını proekt kaplayacek — Lenina-Gavrilük çatraandan Osvobojdeniye çatraanadan. Kararlı yolu yapmaa, ȇlektik setilerini er altından geçirmää, maşınalara deyni durak erlerini yapmaa».
Kalan soruşlar büdjet politikasınnan, finansların daadılmasınnan hem soţial programalarınnan hem kasabanın infrastrukturasınnan baalıydılar.
Moldovanın hem Gagauziyanın en mekalı haberleri GRTnın Telegram kanalında!