Çiçek ayın 8-dä romnarın halkla arası günü bakışȇr. Bu gün geçiriler neetlän çekmää bu halkın insanlarına dikkatlık. Onnarın problemalarını hem soruşlarını açıklama deyni.
Sayılara görä, dünnedä büünkü gündä yaşȇȇr 10-dan 12 mln rom milletindä insan. MD büün var birkaç kurum, angılarının izmeti rom milletindä insannara destek hem yardım vermesi uuruna doorudulu, nışannadı GRT kanalın «İntervyü nedeli» programasında «Vocea Romilor» millet platformanın programaları öndercisi Serjiu Bugay: «Büünkü gündä «Vocea Romilor» millet platforması birleştirer 18 kurumu, angıları romların programalarınınnan zanaatlanȇrlar. Bizim kurumumuz 2026-cı yılda kuruldu. Bu 10 yılda bizdä çok diyşilmeklär hem gelişmeklär oldular. Büün bizim komandamızda var talantlı hem becerikli gençlär, angıları pek hızlı romnarın problemalartını açıklȇȇrlar. biz devletin poyraz, merkez hem üülen taraflarında işleeriz».
Serjiu Bugay nışannadı, ani Romnarın hakla arası günü o diil sade bir yortulu gün, ama bu gün lääzım düşünelim hem savaşalım bu milletin insanlarına onnarın cümneyä integraţiyası proţesindä yardımcı olmaa.
«Bu yıl kuruldu bir kurum Grupul Operaţional Roma, neredä biz, en az, bir sıra ayda buluşup, lafederiz hem rom milletindä insannarlan, kuvet temsilcilerininnän hem ilerlemäk partnörlarlan buluşȇrız. Bizim olȇr kolaylıımız göz-gözä buluşup, problemaları annatmaa hem birliktä onnara çözüm bulmaa»,- Serjiu Bugay nışannadı.
Bakmayarak zorluklara, rom kulturası ileeri dooru yaşȇȇr hem ilerleer, kalarak MD çokmilletli halkın zengin palitrası gibi. Bu gün aklımıza getirer, ani hakları saymak hem onnarın arasında dialog, gözäl cümnenin kurulması temeli olȇr, nışannadı S.Bugay.
Moldovanın hem Gagauziyanın en mekalı haberleri GRTnın Telegram kanalında!