«Üz gagauz – kultura hem bilim uzmannarı, 19-20-ci asirlerin anılmış kişilär» eni kiyadın adı, angısının avtoru anılmış yazıcısı, istorik Stepan Bulgar.
«Üz gagauz – kultura hem bilim uzmannarı, 19-20-ci asirlerin anılmış kişilär» kiyadında temsil edili kahramanın biografiyaları, angıları dizili, istoriya vakıtların hronologiyasına görä, da kaplȇȇr istoriyanın 200 yılını. Kiyadın avtoru Stepan Bulgar sayȇr, ani gagauzların istoriyası gösterili kimi insannarın ecel aşırı, angıları asirin payıydırdı.
«Bana bu kiyatta meraklı göstermää insanın, bizim halkın talantını. Herbir uurda var kendi talantlı kişilär. Bizdä var potenţial. Bizim 100 kişi- onnarın çoyu bütün dünneyä çalıştı, Moldovaya da, kendi halkına da. Onun için bän bu kiyadı çıkardım olsun fayda hepsinä»,- nışannadı kendisi avtor.
Kiyatta Stepan Bulgar anandȇr gagauz halkın anılmış insannarı için.
«Te Harlampiy Manastırlı — büük adam. O statskiy sovetnikti. Bilärdi gagauzça, türkçä hem krım-tatarca. Onu koymuşlar direktor pedagogika şkolasına, krım-tatar üüredici şkolasına. 300 üüredici başardı onu. Var mı nicä dememää, ani o fayda getirmiş. Sade gagauzlara mı getirdi. Başka halklara da getirdi. Onnarın kişileri büük adam oldular»,- annattı Stepan Bulgar.
«Üz gagauz – kultura hem bilim uzmannarı, 19-20-ci asirlerin anılmış kişilär» kiyat için material Stepan Bulgar 30 yılın içindä topladı. O türlü devletlerä ekspediţiyaya gitti.
«Yok nicä toplamaa birä-bir, olmȇȇr ölä. Te gittim Braziliyaya, orada topladım. Bunsuz yok nicä annamaa hiç bişey. Birerdä bişey yok yazılı. Açan gittik, orada annadım, nasıl bu iş olmuş. Sora gittim Kazahstana, orada buldum. Sora Moskvaya, Ukrainaya, Krıma»,- söledi avtor.
«Üz gagauz – kultura hem bilim uzmannarı, 19-20-ci asirlerin anılmış kişilär» kiyat çıktı tipardan 300 ekzemplär da buna yardım etti Bilim-Aaraştırmak merkezi.
Moldovanın hem Gagauziyanın en mekalı haberleri GRTnın Telegram kanalında!