«С улицы роз» legendar teatru kolektivi için dokumental filmin Кişinövun sţenasında tanıtımı oldu. Kolektiv yıllarca devletin kultura yaşamasının unikal kolektivi kalȇr.
Harmelin adına «С улицы роз» teatrusu 48 yaşını tamannadı. Onun kuruluşu hem büümäk yaradıcı yolu için rejisör Vasiliy Moiseenko dokumental filmini çıkardı. Kendi işinä o «maasuz reportaj, angısı kontroldän çıktı söleer». Rejisörun laflarına görä, baştan fikirdi – teatruya dikkatlıı çekmää, ama çekimnerin sırasında kolektivin istoriyası taa deerin harakterä döndü.
«Bu teatrunun kolektivi gösterer, ani incäzanaatı yıllarca var nicä yartmaa hem küçük koşullarda. Kolektivin çzel çalışması. Yazık, ama Yuriy Arkadieviç Harmelin görämedi bu filmı. Benim neetimdı – makar birkaç günä bu kolektivi cümneyä hatırlamaa. Teatru için enidän işitsinnär, kim dä bilmedi üürensinnär»,- Vasiliy Moyseenko söledi.
Коlektiv teatru liţeyin bir küçük odasında işleer hem umut eder, ani nezaman sa ayırı eri vereceklär.
«Açan biz burayı girdik, uşakların, aktörların, insannarın ayırını duyduk, angıları kendi ömürünü burada yaşȇȇrlar. Bu istoriya duygulandırdı bizi, olsa yardım edelim»,- operator nışannadı.
Direktor Aleksandr Petrov belli eder, ani: teatru sţenası küçük – 6-7 metraya, kimi postanovkalarda da 40 kişiyadan sţenada, kolektiv durmamayınca ilerleder işini.
«Ellerimizi kolvermeeriz, işleeriz. Moldovada biz tek teatru, angısı Amerikada, Evropada, bütün dünnedä devletimizi temsil ederiz. Bakmadaan ona, ani bizim salonda siiredicilerä deyni sade 100 er veriler, siiredici her zaman çok. Biz her kerä publikaylan lafederiz. Biz Halklararası festivalleri geçireriz, Yuriy Arkadeviçin gitmesindän sora bu 3-cü, toplamdan — 14-cü „Моldfest“ festivali»,- Petrov söledi.
Harmelin adına «С улицы роз» teatrunun büünnän-büün kendi yapısı yok. Aktörlar paylaşȇrlar, ani film enidän teatru kolektivinä dikkatlıı çeker var olan problemaya.
Moldovanın hem Gagauziyanın en mekalı haberleri GRTnın Telegram kanalında!