Saalıklı gastro sisteması önemni rolü oynȇȇr insanın bütün güüdesinin durumunda. Bu organnarın sisteması imuniteti tutturȇr. Profilaktika ölçüleri için annadacȇk Natalya Andrieş.
Saalıklı gastroȇnterologiya sisteması imeklerin dooru işlettirmesini kurȇr, angısı lääzımnı, ki güüdä faydalı elementleri imeklerdän kabletsin. Ama olȇr ölä, ani ap-ansızdan peydalanȇrlar acılar katı dolayında, ama sebep diil belli. Bunun için lääzım doktora danışmaa, söleer gastroȇnterolog doktoru Denis Ardelänu.
«Paţient doktora etişincä lääzım, dieta tutsun. Hem da savaşȇrız agresiv faktorlar olmasınnar- o yakıcı imeklär, iişi, alkogol içkileri, yaalı hem çok imek, bakmayarak nesoy o. Hem da danışȇrız gastroȇnterologa»,- nışannadı doktor.
Medik tarafından baktırmaklar vererlär kolaylık belli etmää gastroȇnterologiya sistemasında problemaları taa erken. Bunu var nasıl yapmaa ozaman, açan taa yok büük hem kötü nışannar. Bu verer kolaylık ilaçlamayı çeketmää hem da hastalık ilerlämesin. Ama taa sık olȇr ölä, ani paţientlar danışȇrlar mediklerä ozaman, açan şansora var büük problemalar söleer Denis Ardelänu.
«Eer biz vakıtçasına ilaçlamadık yada yok etmedik problemaları, yada çekettilär zorluklar, yada var nasıl başka organnar hastalansınnar da onnar biri- birinnän baalı»,- çizgiledi Ardelänu.
Gastroȇnterologiya sistemasının profilaktikası yardım eder yok etmää türlü hastalıkları, ölä nicä katı yarası, gastrit, kolit, katı kanserı hem başka.Bu dertlär var nasıl yaşamasının uurunu yada koşullarını zorlatsınnar, taa prost yapsınnar hem da medik karışmasına getirsinnär. Profilaktika ölçülerin kullanması verecek kolyalık saalıı korumaa hem sevinmelktä yaşamaa urguladı Denis Ardelänu.
«Unutmayın ilkin saalıklı imekleri imää, saalıklı yaşamayı götürmää. Unutmayın dinnenmää, neçin ki hronika yorgunnuktan hastalıklar peydalanȇrlar. Hem da her yıl aylä doktora gitmää, eer yoksaydı problemalar da. Ama eer onnar peydalanarsaydılar, ozaman mutlaka doktora danışmaa lääzım, ki analizleri hem testları yapmaa. Evdä kendibaşına ilaşlanmaa diil lääzım. Maasuz doktora danışmaa lääzım»,- nasaat etti uzman.
Doktorla var nasıl notalasınnar gastroȇnterologiya sistemasını, geçirip türlü aaraştırmakları, ölä nicä gastroskopiya, kolonoskopiya hem UZİ, ne verer kolaylık belli etmää küçük diişilmekleri gastroȇnterologiya sistemasında. Ama herzamankı kontrol etmekleri lääzım bir sıra yılda geçirmää.Gastroȇnterologiya sistemasının baktırması- o kendi saalıın baktırması hem da yaşamanın kalitesi.
Avtor: N.Andrieş, operator: S. Georgiev, montaj: M.Kazaku