Moldova devleti Parlamenti deputatları küçük ayın 23 — nä karşı saygı güttülär Büük Vatan Cengin veterannarına. Deputatlar şükür ettilär veterannarı onnarın yaptıkları hem girginnikleri için, hep ölä baaşışladılar onnara anmak baaşışlarını.
«Bu bizim küçük bir baaşışımız. Veriniz izin sıkım sizin elinizi,
saalık, kısmet, ii başarlar, en önemli taa zedä lafedäsiniz, ki siz taa zedä anandasınız o kötü cengin günneri için»,- MD Parlamenti deputatı Vadim Fotesku nışannadı.
Veterannar pay oldular kendi akıllarına getirmeklerinnän çirkin cenk yılları için da şükür etillär, ani onnarı esaba alȇrlar hem düşünerlär onnar için. Aleksey İnnokentyeviça Larionova 98 yaş.
«Bän yazdım kiyat ana hem boba taraflarından. Da orada bendä 4 uçak»,- Büük Vatan Cengi veteranı Aleksey Larionov çizgiledi.
Moldova Parlamenti deputatı Regina Apostolova çizgiledi, ani istoriyayı hem bu insannar için lääzım bilmää hem onnar için saygı gütmää.
«Çok saa olun usluluk için. Çok saa olun, ani siz cenktän sora çalıştınız devletin ilerlemesi için»,- Regina Apostolova çizgiledi.
Vladimir İvanoviç Filandin zor söleer, getirip aklısına ceng yıllarını, angısının gözleri may dolȇrlar yaşlan.
«Açän biz geldik burayı Moldovaya, işlemää çekettik. Annamamız yoktu kim moldovan, ukrayın, rus. Bir aylä gibi yaşardık»,- Vladimir söleer .
2025 — ci yılda Moldova devletindä kaldı Büük Vatan Cengin 27 veteranı.
Avtor: P. Barbova, E. Manita, montaj: A. Gerçu.
Moldovanın hem Gagauziyanın en mekalı haberleri GRTnın Telegram kanalında!