Geçeceklä mi seçimnär Gagauziya Halk Topluşuna 2025 yilın kasım ayın 16-da, nicä bu bakılı erli kanonda. Şindiyä kadar Merkez seçim komissiyası taa kurulmadı, ne koyȇr seçımnerin geçirilmesini soruş altına. GHT başın yardımcısı Georgiy Leyçu GRT kanalın ȇfırında açıkladı kendi raatsızlıını, angıları politika durumunnan balı.
Gagauz radiosunun hem televizionun cannı ȇfırında GHT başın yardımcısı Georgiy Leyçu açıklamaları yaptı. O söledi, ani onu raatsız eder o, ani Gagauziya başkanı Evgeniya Guţul davaa altında bulunȇr.Onun laflarına görä, eer daava kabledärsäydi kararı, angısı Gagauz Erin başklanın haklarını bastıracek, bu var nicä getirsin ona,ani eni başkan seçimneri olaceklar. Ama ne baalı GHT seçimnerin geçirilmesinnän, bir yıl geeri Temal kanonda yapılan diiyşilmeklerä görä, lääzım noyabrinin 16-da geçsinnär.
«Alarak esaba Gagauz Erin Temel kanonunu hem Reglamnet için kanonu –bu kasım ayın 16. Ama çoyu deputarlar soruşlan çıkȇrlar: ne olȇr şindi Kişinövda, daava işin bakılması başkana karşı, alarak esaba o politikayı, angısını merkez kuvetleri getirerlär, var nicä olsun, ani başkana karşı kabledilecek karar,angısı diil sadece sınırlayacek onun haklarını,ama vermeyecek kolaylık işini götürmää,da buna görä lääzım olacek eni başkan seçimerini geçirmää»,- dedi Leyçu.
Şindi GHT deputatları lääzım MSK kursunnar ,angısı 2023 yılın dekabri ayında yokedildi. Leyçu georgiyin laflarına görä, baş sebep – seçim proţesi Moldova MSK kontrol altında diil lääzım bulunsun.
«Bän urgulȇȇrım,alarak esaba onu, neylän bizä sıra geldi karşı gelmää, hem alarak esaba o yannışlıkları, ani şindiya kadar yapıldı, biz geldik çıkışa,da bu pek önemli,dönmää ideyaya, ki kurmaa herzamankı temeldä Gagauziyanın MSK, ama eni kriteriyaları kullanarak. Bununnan barabar biz Moldova kanonnarına bakȇrız. Haliz bununnan baalı bizim iniţiativamız,açan biz doorudardık Parlamentä kanon proektini Moldova Respublikasının Seçim Kodeksına diişilmeklerin giriştirilmesi için»,- nışannadı Leyçu.
Seçim Kodeksın eni diişilmeklerinä görä, MSK 7 kişidän kurulu olsun lääzım. Taa illleri bu sayıya 9 kişi girärdi. Moldova Respublikasının Seçim Organında hep 7 kişi MSK girer.
Самые интересные новости Гагаузии и Молдовы в телеграм-канале GRT!