Komradın Mustafa Kemal Atatürk adına türk bibliotekasında açıldı gagauz resimcilerin sergisi. Angı resimnär gösterili insana hem nicä geçti bu onemni olay, süjetimizdä.
Komratta Atatürk bibliotekasında bir buçuk ayadan gagauz resimcilerin sergisi geçecek. Bibliotekanın başı Vasilisa Tanasoglo açıkladı, ki bu bir ii kolaylık herbir insana deyni görmää dedelerimizdän kalan kulturamızı , tutturarak milli yaradacılık uurunu.
«İsteerim bizim Gagauziyanın yaşayannarını teklif edim bir gözäl sergiyä, angısını hazırladı gagauz resimcilär erli birliin azaları. Makar ki onnar git-gidä biraz taa azalȇrlar , ama genä da sanȇrım , ani onnar havezlerini kaybetmedilär , büük havezlän hazırlanȇrlar bibliotekamızda kendi sergilerini açmaa . Herbir eni sergi düşünerim, ani insannara getirer eni duguları , herbir eni yaratmada insan kendi derin duygularını açıklȇȇr»,- Vasilisa Tanasoglo açıkladı.
Olayın yardımcıları çizgeerlär, ani büünkü gündä yaradacılık en önemni yardımcı kalȇr, angısınnan resimnär göstererlär, ani Gagauziyada resimcilik ilerleer hem yaratmaa yaşayannara ihlam verer.
Dmitriy Ayoglu, Gagauziya Milli resimcilär birlii başı, dedi: «Sanȇrım, anibuönemnibiriş , açanbiziminsan, öbürinsannartaakültürlü olsunnar. Onun için biraz bu işleri yapȇrız. Аçan yazȇrlar, ani kultura yok , dil yok – var dil dä, var kultura da. Gelsinnär, görsünnär. İnsanı ,halkı sayȇrlar, açan onda büük kultura işleri var».
Bu sergi ilerleder geçti proektleri, neredä resimcilär bakêrlar insanın iç dünnääsına hem Gagauziyanın yaşamasına. Resimci Anna Zaporojan dedi, ki yaradacılık yardım eder göstermää halkımızın istoriyasını, adetlerimizi hem nicä yaşêêr erindeki insan. Bu hepsi önemni yaşayannara deyni, neçinki sade tutarkana aklında kendi köklerimizi bizim geleceemiz var nasıl ii olsun.
«Büünkü resim sergisi geçti serginin tematikasını ilerledeer, neçinki burada bizim gagauz resimcilerin işleri göstürülü. Tema – insanın, angısı burada yaşȇȇr, içindeki dünnesini açıklamaa, yaşamasını, harakterini. Bakınız, nesoy burada käämil peyzajlar göstürülü – onnar hepsi bizim yaşamamızı hem zamandaş cümneyi açıklȇȇrlar»,- resimci dedi.
Bu sergi diil sade resimnär gösterisi-ama kolaylık açıklamaa kendi duygularını hem fikirini renklerin hem formaların yardımınnan. Serginin musaafirleri saklamȇȇrlar kendi duygularını ,
« Bir kişi geçtiynän galereyanın içindän var nicä annasın bütün gagauzların tarihini – nicä onnar yaşȇȇrlar, nicä üürenerlär , nesoy adetleri var , hepsini bunu var nasıl annamaa pak girdiynän galereyaya».
«Taa girdiynän burayı , bölä diişti duygularım, neçinki ilkyaz duyguları onnar te bölä pek açȇrlar üüremi da vererlär stimul taa yaşamaa, taa nesä yapmaa».
Kurucular hepsi insannarı teklif ederlär katılmaa sergiyä , ki taa yakından gagauz resimcilerin yaradacılıınnan tanışmaa. Komratta Atatürk bibliotekasında sergi açık olacek taa bir buçuk ay isteyennerä deyni.
Avtor: A. Çebanova, operator: G. Stavilov, montaj: A. Topal
Moldovanın hem Gagauziyanın en mekalı haberleri GRTnın Telegram kanalında!