Kasım ayın gelmesinnän şoförlar lääzım düşünsünnär yol kuralları için. Geldi vakıt yaz şinaları kış şınalarına diiştirmää. Bakmadaan ona, ani kanonda yok maasuz data geçmää deyni kış şinalarına, var hava maasuz kriteriyaları — bu şinalar lääzım kış zamanı için olsunnar, erlim yollarda karsaydı, buz yada buzluk. Onnar yardımcı olaceklar yollarda yol razgelmelerindän koorunmaa. Elbetki bunun için lääzım olaceklar paralar satın almaa deyni eni şinaları.
Soruş, bakmak için yol kurallarını kaybetmeer kendi lääzımnıını, may alez kış zamanında. Onun için, nicä lääzım şoförlar geçsinnär kış şinalarına hem da nesoy sankţiyalar var nasıl kabledilsinnär, erlim onnar yoksaydılar annattı Komrat — Çadır — Lunga patrul bölümün baş inspektoru İvan Jeçkov: «Eеr şoför bakmasaydı yol kurallarını, geçmedisaydi kış şinalarına, açan yollarda buzluk yada kar, o zaman bakarak haklara karşı gitmäk kodeksinä, bizim var kolayımız kullanmaa 228 statyanın 2 — ci bölümü, neredä bakılı ceza 150 leydan 300 leya kadar».
Bizim televizion grupamız üürendi şoförlardan, etiştirdilär mi onnar diiştirmää yaz şınalarını kış şinalarına, hem da ne için bu kuralların bakılması önemli korunmak için yollarda.
«Bän şindän sora çoktan diiştirdim, kanon bunun için soleer. Hiç bilmesin nezaman var nasıl kar yaasın, buzluk — bunnar hepsi korkunçlu yollarda».
«Bu pek önemli. Bän, nicä eni şoför — bana deyni pek önemli, olsun deyni hepsi kurallara görä. Sezon geler, lääzım diiştirmmää, olsun kurallara görä. Yollarda var nasıl olsun yaamur, kar».
«Bendä her sezonnuk şinalar».
«Bän taa diiştirmedim şinaları, bendä sezona görä şinalar, onun için da hepsi islä».
«Şinaları lääzım diiştirmää, elbetki. Taa diştirmedim, düşünerim».
Yol kuralların bakılması, vakıdında şinaların diştirilmeleri, bakmadan bu işlerä, var nasıl olsunnar kötü olaylar yollarda, nicä kendisi için şoför için, ölä da başka yol razgelmelerin pay alannarına. Yaz şinaların kullanmaları için kış zamanında ceza parası var nasıl kursun 4500 leya kadar, yol razgelmeelerin korkunçsuzluu kış zamanın ilk havanın diişilmesi, çok sıra büüyer.
Avtorlar: P. Barbova, O. Lotka, operator: G. Stavilov, montaj: A. Topal