GHT oturuşunda bakıldılar avtonomiyanın sport hem gençlerin işlerindä bakannıın iş çıkışları 2023-cü yılın sentäbir ayından bu yılın iyül ayınadan.
Gagauziyanın sport hem gençlerin işlerindä bakannıın iş çıkışlarınnan deputatları tanıştırdı bu bakannıın başı Väçeslav Dragoy. GHT deputatı Mihail Jelezoglo nışannadı, ani sport ilerlemesi için paraların pay etmesindä diişilmeklär lääzım olsunnar. O urguladı, ani finanslar verilerlär oyun sport çeşitlerinä. Ama başka sport bölümneri, angıları avtonomiyanın küülerindä işleerlär parasız kalerlar.
«Bän isteerim, ki hepsi küülerdä analiz yapılsın. Da diil lääzım sade oyun klublarını tutturmaa. Bizim çempionnarımız yaşayan punktlarında büüyerlar ama klubların çoyu entuziazmada çalışerlar»,- GHT deputatı Mihail Jelezoglo.
Deputatlar gençlik politikasını da diidilär. GHT başın yardımcısı Georgiy Leyçu sordu neçin avtonomiyada gençlerin parlamenti işlämeer.
«Söläyin, nbeçin bizdfä gençlerin parlamenti çalışmȇȇr. Buna köstek ne olȇr?» ,- viţe-spiker sordu.
«Şindi pek zor bulmaa gençleri, angıları halizdän isteerlär bu işlän zanaatlanmaa. Bu hepsi olacȇk. Biz şindi bulunȇrız bitki etapta da gençlerin parlamenti kurulu olacȇk. Gençlär için hepsi olacȇk»,- Gagauziyanın sport hem gençlerin işlerindä bakannıın başı cuvap etti.
Sesleyip Gagauziyanın sport hem gençlerin işlerindä bakannıın başın haberlerini iş çıkışları için, deputatlar aldılar onnarı esaba.