Çadır kasabasının Kultura Evindä geçti Super tavşam gagauz spektaklisinin premyerası. Koydu onu Dionis Tanasoglunun adına teatrusu.
Ne lääzım yapmaa, ki olmaa daada super hayvan? Elbetki burada sade kuvet yardım etmeyecek. Burada lääzım olsun derin fikir hem ii bilgilär. Maasuz bu kalitelär yardımcı oldular baş kahramana Super Tavşam olmaa hem terbietmää tilkiyi hem yabanıyı. Spektakliya geldilär uşaklar. Onnar dikkat baktılar da paylaştılar kendi duygularınnan.
«Bän beendim bu spektakliyi neçinki pek şen, sanêrım ani öbürlär da beendilär. O tavşam pek gözäl da üüreder, ani hepsi sölesin gagauzça».
«Beni spektakli üüretti ona ani duil lääzım çekişmää».
«Tavşamı, ani o yabanıyı hem tilkiyi ensedi».
«Bän beendim spektakliyi zerä o gözäl, meraklı hem вырезать.. üüreder dost olmaa, yalan sölämemää».
Üüredici Maryana Dyakova nışannadı, ani spektakli pek meraklı hem önemni,ani o gafauz dilindä.
«Benim bakışıma görä uşaklar annadılar bu spektakliyi, maanasını da annadılar. Olmaa dost, kavga etmää, yalan sölämemää. Bu çok önemni bir spektakli- taa önemnisi da,ani o bizim ana dilimizdä»,- Dyakova nışannadı.
Baş kahraman — Super Tavşam. Onu gösterdi aktör Natalya Manastırlı.
«Bana açan rejisör verdi bu rolü da annattı kendi bakışını, bän hemen annadım,ani bu bana oek yakın. Istefik göstermää uşaklara,ani kuvetlän enseyämeycän, ama açan var derin fikir çoyunu var nicä ensemää»,- nışannadı aktör Natalya Manastırlı. .
Pyesanın avtoru Ivan Çernışov, rejisör Anatoliy Radulov. O nışannadı, ani pek ii geçti spektakli, şen hem meraklı geldi uşaklara. O söledi spektaklinin maanasını.
Anatoliy Radulov, rejisör, nışannadı: «Lääzım düşünüp hepsini yapmaa, ani en maanalı -dostluk, birlik bu yaşamakta, fikir».
Gagauziya kultura bakanı Marina Semönova çizgiledi,ani spektakli gagauz dilindä i taa bir büük adım gagauzluun özellik korumasında.
«Yaptık taa bir adım ileri, bir adım taa üüsek kalktık.Spektakli zamandaş- ölä da lääzım olsun, neçin ki hepsicii ilerler. Bizim uşaklar bizdän taa arif. Evlad boyu taa büüyer. Bu üzerä bölä da spektakli ayırıldı. Bu üzerä da i koyuldu. Oek beendim, nevin ki diil bir soejtakli neredä aktörlar göstererlär sade kendi işini, ama derin maanalı bir spektakli, uşaklara pek lääzımnı»,- Marina Semönova çizgiledi.
Zanaat öndercisi Mihail Gagauz söledi, ani gagauz spektaklileri prk önemni göstermää. Dionis Tanasoglunun adına teatrusu artık 6 yıl sevindirer siiredicileri gagauzça.
«Sanêrım, ani Anatoly Radulov dooru seçmiş bu oyunu.Bana görä hrm uşaklara görä, biz bunu gördük sţenadan,ani uşaklar interaktiv lafetmeleri hem soruşlra cuvap ederlär hem sölerlär. Sanêrım,ani gagauz dili ilerleyecek hrm kaybelmeyecek»,- Mihail Gagauz söledi.
Gagauz dilinä spektakliyi çevirdi teatrunun başı Mihail Konstantinov hem aktör Valentina Terzinova. Mihail Konstantinov urguladı, ani premyera ii her zaman bir yortu.
«Bu spektakli oldu muzikalı, aktörlar diri çalardılar, oynadılar. Sıyındırdık horeografiyayı da bu spektakliya. Saerım, ani çok meraklı oldu,saerım, ani uşaklar beendilär. Hem pek önemni,ani o diil staţionar , onnan biz gezecez küülerdä Avtonimiyada. Gösterecez herbir küüdä»,- Mihail Konstantinov urguladı.
Pazara Küçük ayın 23-dä hepsindä olacek kolaylık taa bir keret buluşmaa «Super Tavşam» spektaklinin kahramannarınnan Çadırda. Spektakli geçecek rus dilindä.
Moldovanın hem Gagauziyanın en mekalı haberleri GRTnın Telegram kanalında!