Güzün gelmesinnän zeedelenerlär salgın hastalıınnan ulaşmak olayları. Uzmannar nışannȇȇrlar, ani taa dikkat saalıını korumaa lääzım hem vakıtlan doktorlara danışmaa.
Uşak doktoru Viorika Karp annattı, nesoy lääzım korunmaa salgın hastalıklarından. O açıkladı, nesoy lääzım kaaviletmää imuniteti hem nışannadı, ne lääzım yapmaa, eer hastalıklan ulaştıysadınız.
«Biz saalıklı yaşamayı lääzım götürelim, her gün taazä solukta gezinelim, saalıklı malları imeemizdä kullanalım. Hastalıın türlü soyları var. O var nicä kolay geçsin hem zor da geçsin yakışȇr. Teklifleri dooru ilaçlanmaa deyni aylä doktorundan var nicä alasınız»,- dedi doktor.
Biz soruşturduk Gagauziyanın yaşayannarına, nesoy onnar salgın hastalıklarını ilaçlȇȇrlar.
«Biz herzaman korunmaa savaşȇrız, ama korunmaa da vakıtlan lääzım. İnsannar bolniţalara taa sık giderlär».
«Açan doktorlar yoktular, insannar nicä sä ilaçlanardılar. Bizim dädularımız, babularımız türlü otları kullanardılar ilaçlanmaa deyni».
«Neysä savaşȇrım yapmaa, türlü otları kullanȇrım, yada masaj yapȇrım».
«Savaşȇrız ilaç pek kullanmamaa, taa çok türlü otları kullanȇrız. Poliklinikaya da gideriz, insannar lääzım uzmannara danışsınnar».
«En önemni -saalıklı yaşamayı götürmää. Taa çok vitamin, taazä soluk, taa az stres, eer bişeyiniz acıyarsaydı, doktora danışınız. Kendiniz ilaçlanmaa savaşmayınız».
Güzün gelmesinnän salgın hastalıından korunmaa deyni bütün devlettä korkunç altında bulunan yaşayannarın 40%-di vakţinaları kablettilär. Vakţinaları salgınnıktan hem koronavirustan kabletmää deyni, yaşayannara teklif ederlär aylä doktorlarına danışmaa.
Avtor: A.Terzi, operator: S. Georgiev, montaj: A.Topal