Suyun kalitesindän insanın saalıı çekiler. Eski su vermäk sisteması hem suyun kalitesizlii problemalara var nicä getirsin.nicä var olan problemalar çözülerlär, haberimizdä açıklȇȇrız.
«Söleyämeyecäm, sansın islää su».
«Bizdä DSU dolayanında islää su. Sansın pak».
«Su islää, içeriz».
«Su içmäk için bizdä. Bän beenerim.pınardan içmeerim. Krandan biraz hlorkaya getirer, ama var nicä kullanmaa. Suyu içeriz,islää ani var».
«Sansın islää su, su temiz, gübürsüz».
«Su islää».
«Kasabanın merkezindä su kaliteli. Kurt yoktur gördüüm».
«Bän su satın alȇrım».
«Svetlıyda su islää. Ama biz hep okadar pınardan kullanȇrız».
«Su kışın taa islää, şindi diil pek ii. Şindi onu yok nicä içmää. O okadar kokȇr, ani dişlerini paklayamȇrsın. İslää, ani pınarda makar pak su».
«Bizdä bir problema-suyu sıkça sündürerlär, haliz avşamnen da taa sabaadan yok».
«Evdä var suyumuz, ama diil kaliteli».
«İslää kaliteli su. Ama kimär kerä kecä suyu sündürerlär. Bezbelli bizdä az su».
«Каnalizaţiyayı en ilk lääzım yapsınnar. Yaamur yaadıynan su kirlener».
Çadır-Lunga kasabasının dolay administraţiyasının başı Natalya Şoşeva su sistemasının problemalarını açıkladı.
«2003-cü yılda Çadır-Luganın muniţipal nasaatın kararınnan, büük borç için, angısı — 4 mln. ley kurȇr. 20 yılın içindä 160 km-lık su setileri hem 94 кm suyu kanalları yapıldılar»,- Çadır-Lunga kasabasının dolay administraţiyasının başı açıkladı.
Suyun vermesindä en kötü durum Valkaneş dolayanında söledi Valkaneşin dolay administraţiyasının başı İvan Kreţu.
«Hepsi dolaylardan en kötü su durumu Valkaneş dolayanında. 65% su Valkaneş kasabasında var. kalan yaşayannarda yok su»,- Valkaneşin dolay administraţiyasının başı İvan Kreţu açıkladı.
Kaliteli suyun probleması baalı yaşamak erlerindä kanalizaţiyanın yoksuzluunnan. Hem bu korkunçluk durumunu yaşamak erlerinä getirer.
«İsteerim belli etmää, ani büünkü günä problema su hem kanalizaţiya setiletilerinnän baalı – büük bir problema. Var olan problema regionun ilk erdä duran davası” ,- Vadim Çeban söledi.
Cümnä kanalizaţiya sistemalarına baalı-o devletin merkez yaşamak erleri. Moldovada yaşayannarın sade 77% -di kanalizaţiyaylan kaplı, Gagauziyada bu sayı 28% kurȇr.