Gagauziyada HT deputatların seçimlerin geçirilmesi diil belli .Sorus açık kalȇr. Neçin bu proţes uzandı hem nesoy çıkışlar olabilerlär «Диалог в студии» programasında HT deputatı A. Tarnavskiy söledi.
Gagauziyada seçim prosesin başlanması, avtonomiya hem da bütün devlet için ön problema kalȇr, deer HT deputatı Aleksandr Tarnavskiy. HT oturuşunda belli oldu ,ani seçimnär,angılarının geçirilmesini iyün ayın 21-nä koydular- geçmeyeceklär,çünkü seçim kampaniyasının başlanması vakıtça olmadı. Seçimnerin uzaltması belli olȇr hem devletin kuvetlerin poziţiyasınınnan hem da avtonomiya içindeki kuvetlerin dartışmaklarınnan, söleer Aleksandr Tarnavskiy: «Bän düşünerim, ki Kişinöv bu seçimnär için zaman kazanmak istedi, taa ii hazırlık yapmak için, beki da kanonu diiştirmäk için».
A.Tarnavskiy bir yıl geeri seçimneri noyabrinin 16 geçirmää teklif ettiydi.
«Deputatların çoyu,kim öndercilik eder,kahırlanȇrlar,onnar katıla bilceklär mı seçimnerä»,- Tarnavskiy söledi.
Hep ölä Aleksandr Tarnavskiy nışannadı iki tarafların istediklerini barabar annaşmaa da çözmää bu soruşu. Aleksandr Tarnavskiy nışannadı , ki Merkez kuvetleri hazır barabar annaşmaa .Bu büük adım Komrat hem Kişinöv arasında soruşu açıklamaa deyni .
«Seçimlär –bu şans diişmeklerä, ani başka insannar geleceklär,kim çalışmaa hem annaşmaa neetli .Dartışmaklar konfliktı derinnederlär»,- nışannadı deputat.
Deputat belli etti, ki çozmää soruşları lääzım kanonnara görä hem dialogu kurarak.
Moldovanın hem Gagauziyanın en mekalı haberleri GRTnın Telegram kanalında!