Her yıl mart ayın 4-dä bakılȇr taulanmaklan güreşmäk günü.Data kuruldu haberlemäk için nesoy zararlara bu iş getirer. Bu hastalıın beterinä var nicä peydalansın şeker hastalıı, kalp-damar sistemın dertleri, tansion hem onkologiya.
Taulanmak –hronik hastalıı,angısıyaaların sayısını güüdedä üüselder, ne var nicä getirsin büük problemnerä saalıklarn, nışannadı Kongaz küüyun Saalık merkezin aylä doktoru Fedora Stoyanova: «Baş nışan bu hastalıkta –güüdenin büük aarlıı.İnsannarda var nicä peydalansın teerlemek,sinirlenmäk, yorulmak, zor soolumak, bel kemmiktä hem eklemerdä acılar».
Bu hastalık gipertoniyanı illerleder, infarktı hem insultu.Hastalık davranȇr adamın saalıın diil sade fizik tarafına,ama psihoȇmoţional uuruna da.
«Getirer zorluklara kalp tarafından, gipertoniyya, şeker hastalıına, kara ceerin hastalanmasına, taş peydalanmasına, yaralara hem bel kimi hastalıklarına»,- dedi Fedora.
Taulanmak hastalıı kimi sebeplerä görä peydalanȇr, angıların arasında: diil dooru imek taabetleri, genetika sebepleri hem başka.
«İmek rejımın bozulması, çok imäk.Peydalanȇr açan endokrin bezindä var problemnär, açan yok gezmäk»,- nışannadı uzman.
Doktor nışannadı,ani kompleks uurunda lääzım hastalık ilaçlansın, diiştirip ömür götürmesini, dietayı hem taa çok gezärkenä. Açan o peydalanȇr,lääzım daanışma mediţina yardımı için endokrinolog hem dietolog doktorlarına.
«İlaç terapiyası geçer o paţientlarda,angıları güüdenin aarlık indeksı taa çok 30-dan, dietalar hem sınışlar vermerlär fayda 3-4 ayın içindä. Profilaktikaya girer saalıklı ömür, dooru baalanslı imek hem fizik aktivlıı, saalıklı malların kullanması,angılarında var çok mineral hem vitamin»,- açıkladı uzman.
Taulanmak – kötü bir hastalık, angısı dünnedä hererdä var. Dünnä saalık koorumak merkezi nışannȇr,ani Evropa regionunda büüklerin üçtän ikinci payı zararlı bu hastalıklan,uşakların da üçüncü payında hep bu dert belli olȇr,da bu sayılar yıl yıldan büüyerlär.Uzmannar nasaat ederlär cümneya almaa bunu hesaba hem güreşmää bu hastalıklan.
Moldovanın hem Gagauziyanın en mekalı haberleri GRTnın Telegram kanalında!