Bitki yıllar taa çok üürenici isteer kabletmää profesional tehnik üürenmeyi. Da bu birkaç sebeplän baalı, angıların aralarında ekonomikanın türlü bölümnerindä becerekli uzmannarın sorumu.
Moldova üüretim ministerliin haberlerinä görä studentlerin sayısı, angıları orta profesional kurumnarında üürenerlär yıl- yıldan zeedelener. En sorumnu kalerlar aşçı, konditer, avtomehanik hem elektrik zanaatları.profesional tehnik üüretmesi yardım eder hazırlamaa zanaatçıları zamandaş koşullarına görä. Her yıl Komrat kasabasının profesional uçilişçesi kableder 180 uşak tehnik zanaatlara, angılar kurumda işleerlär. Nicä nışannadı profesional okulun başı Evgeniy Buzadji profesional üüretmesi verer studentlerä becermekleri, angılar iş vericilerä lääızmnı olerlar.
«Başarannarın 47 proţendä yakın her yıl iş kendilerinä bulerlar kendi zanaatına görä, bakmayarak Moldovada, Evropa birliin devletlerindä yada başka erlerdä. Bizdä uşakalr üürenmeyi ilerlederlär. Kimsa işä girer hem bununnan barabar 12-ci klası bitirer da sora universitetä üürenmää girer. Kimilär askerä giderlär. Analizdän göreriz, ani yakın 13 proţent uşaklardan birerdä işlämeerlär. Ama ortadan 87 proţent ya işleerlär kendi zanaatına görä, ya üürenerlär yada askerlik ederlär. Ama askerdän sora onnara taa ilin işä girmää»,- annattı Evgeniy Buzadjı.
Profesional- tehnik üürenmesi verer diil sade teoriya bilgilerini, ama praktika becermeklerini, angılar lääızmnı hem faydalı olaceklar iş erlerindä üürenmektän sora, söler master- instruktor Viktor Çakusta. O söleer, ani avtomehanik zanaatı iş panayırında pek sorumnu.
«Bu zanaat büün lääzım, zerä pek çok maşına kasabada var, angılar kırılerlar da onnarı düzmää lääzım. Da bän sanerım ani bu zanaat lääzım. Uşakalr açan bitirerlär onnarda iş var. Bu zanaatta iş var. Onnar açan gelerlär bizä üürenmää pek havezlän gelerlär. Hem bekleerlär, nezaman olacek praktika urokları. Bekleerlär zerä onnara pek interes ne yapaceklar»,- dedi Viktor Çakusta, master- instructor.
Profesional tehnik üürenmesi gençlär için eni kolaylıkları açer karyera yolunda. Üürenicilerin hem onnarın anaların- bobaların çoyu için profesional- tehnik okulları taa yakışıklı hem faydalı olerlar.
«Bän beenerim maşınaları, düzdüm onnarı, bana interes geler maşınalar. Bän taa şkolada üürenärkänä aklıma geldi, ani burada üürenmää yakışer. Burasını metettilär bana. Burada çok kişi, angılarını bilerim üürendilär. Hepsi met etti burasını».
«Bän ayırdım deyni küçüktän beenerim maşınaları. Bän bu kursun içindä çok iş üürendim, beni işä aldılar. Bän kazanerım, işleerim».
«Bän ayırdım bu zanaatı, zerä bän beenerim burada üürenmää hem birbişey düzmää. Bu fikir bana geldi 9-cu klasta, açan uşakalr taa büük bendän geldilär burayi üürenmää. Açan biterecäm uçilişeyi gidecäm işlemää bu profesiyada».
Bakarak ekonomika durumuna hem işsizlik uurun üüselmesinä profesional-tehnik üürenmesi pek islää variant gençlär için, neçin ki o açȇȇr yolu sorumnu zanaatların hem islää kazanç parasının kabletmesinä.
Moldovanın hem Gagauziyanın en mekalı haberleri GRTnın Telegram kanalında!