Dinnenmäk günerindä Komratta geçti 8-nci thȇkvondo turniri,angısı topladı bireri 250 zeedä sportçuyu Moldovadan, Rumıniyadan hem Ukrainadan.
Thȇkvondo aktiv illerleer bütün dünnedä. Gagauziyada da geçerlär önemni yarışmaklar, nışannadı dış işleri bakanı yardımcısı Üriy Kuzneţov: «Büünkü günä bizdä var çok sportçu,angıları üüsek erleri alȇrlar diil sade regionda, ama halklararası yarışmaklarda da».
Thȇkvondo illerleer, da bu iş sevindirer, nışannadı Gençlik hem Sport Bakannı Väçeslav Dragoy.
«Bän kendim thȇkvondo trenerıyım.Da bana hoş geler görmää genä sportçuları,trenerleri bizdä Komratta.Büük havezlän karşılȇȇrım hem düşünerim bizim sportçuların çıkışları için»,- sport bakanı nişannadı.
Yarışmanın davaaları hem komandaların trenerleri üüsek notaladılar genç sportçuların hazırlanmaklarını hem turnirin kuruluşunu.
«Çok mutluyuz,ani thȇkvondo illerleer diil sade Kişinövda,ama başka yaşamak erlerindä, nicä Komrat, da biz sevineriz gelmää burayı da pay almaa».
«Nicä da herzaman karşıladılar üüsek uurda, nicä dostlu ayledä. Hepsi pay alȇrlar,enseerlär. Kim enseyamedi, yapaceklar bunu başka sıra».
«Hazırlanmanın üüsek uuru belli,çok çalışmışlar, çıkışlar görünerlär bu yarışmakta».
«Komrada geldik ilk sıra bölä yarışmaya,ama hepsi yarışmaklarda devlettä pay alȇrız. Uşaklar dalgalanȇrlar, tutturȇrız onnarı. Bu bir ii becermek».
«Turnirin pay alannarı nışannadılar,ani çempion olmaa deyni,lääzım çok hazırlanmaa, bulmaa istemeyi enseyişä».
«Aldım ilk eri.Çok hazırlandım bu işä, kabletmää deyni bu medaliyi.Beendim güreşi. İlleri dooru da savaşacam, taramaa , kabletmää taa çok medali, hepsi sevinsinnär hem hodullansınnar benimnän».
«Bendä büük becermeklärhalklararası uurda var, bizim yarışmaklarda da hep».
«Hazırlandım hergün bu yarışmak için, bu çok önemni benim için».
«Çok çalıştım, hepsi sport zanaatlanmaklara gittim, kendimä da inanardım».
«Hazırlandım ii, ama yazık ani tarattım».
«Bän hazırlandım çok vakıt hem çalıştım ii,da ensedim».
«İkişär ders gündä yapardım, evdä da bobamnan çalışardım».
«Bendä yaralanmak vardı,geldim kendimä,ama ii çıkışı gösterämedim».
«İslää zanaatlanardım,hazırlanardım, savaşardım, da hepsi ii olardı».
Yarışmaklarınçıkışında komanda toplumunda ilk eri kazandı Kişinövun 6-nci sport okulu. İkinci eri aldı Stavçeni komandası,angısı kazandı 13 altın medali, 6 gümüş hem 16 bronza. Üçüncü eri da aldı Ruminiyanin hem Komrat sport okulun hem regional sport liţeyin sportçuları, kazanıp 7 altın,15 gümüş hem 11 bronza medali. Turnir hazırlandı Gençlik hem Sport Bakannıınan.
Moldovanın hem Gagauziyanın en mekalı haberleri GRTnın Telegram kanalında!