Pötr Draganov adına Gagauziyanın Merkez bibliotekasında geçti akademiin TODUR ZANETIN «AYDARBEK SARMANBETOV – GAGAUZLARI KIRGIZLARA: AÇAN ADAM» eni kiyadın rpezentaţiyası. Temayı ilerleder Polina Barbova.
Akademiin Todur Zanetın eni kiyadı adalı Aydarbek Sarmanbetova — Kırgıziyanın cümnä hem kultura temsilcisinä, angısı çok kuvet koydu kulturanın ilerlemesi için iki gagauz hem kırgız halkların aralarında. Kiyatta avtor annadȇr buluşması hem baalantıları için Aydarbek Sarmanbetovlan, hep ölä barabar kultura iniţiativaları için hem proektlär için, angıları doorudulu gumanitar hem yaradıcılık dialoguna.
«Bän pek sevinerim, ani bu kiyadın prezentaţiyası geçti o insannarın aralarında, angıları adadılar kendi yaşamalarını kiyatlara hem da yaşȇȇrlar kiyatların aralarında. Bu kiyat «AYDARBEK SARMANBETOV – GAGAUZLARI KIRGIZLARA: AÇAN ADAM» — köprü, Gagauziyanın hem Kırgıziyanın kultura hem diil aralarında».
Prezentaţiyada toplandılar kultura hem üürenmäk sferanın temsilcileri, cümnä kurumnarın azaları, bibliotekacılar. Pay alannar tanıştılar kiyadın içindeliinnän, nışannayıp bölä iniţiativaların önemnii için — korumak için kultura paalılıkları için , kulturara diyalogu için , literaturanın ilerlemesi için ana dillerindä.
«Pek önemni bizim okuyucuları tanıştırmaa kiyatlarlan, angıları yazılȇrlar hem da tiparlanȇrlar iki — gagauz hem kırgız dillerindä».
«Sizi var nasıl saymaa aydınnadıcı, neçinki nesoy uurlarda siz çalışȇrsınız. Sade ne eder altı toomnuk sözlük. Bän bilmeerim, neredän siz ȇnergiyayı alȇrsınız. Ama şükür Allaha, ani var bölä bizdä adam — ȇntuziast, angısı okadar çok yapȇr kultura uurunda».
«Çok saa olsun Todur Zanet. Elbetki, bu kiyat bulacek kendi okuyucusunu. Bulunacek o okuyucu, kim o meraklanacek, da okuyacek onu. Pek sevindirer, ani yazılı ana dilimizdä da».
«Pek geniştän kullanȇrız Todur Zanetin yaratmalarını, materiallarını kiyatlarda hem üürenmäk posobiyalarında. Biz sa, kendi sıramızda, tekif edecez gençleri bu kiyadın okumasına».
«Bän sayerm, ani Todur Zanetin yaratmaları pek paalı bizim gagauzlar için, bütünnä bizim Gagauziyamız için — bizim kulturumuz için, bizim dilimiz için».
«AYDARBEK SARMANBETOV – GAGAUZLARI KIRGIZLARA: AÇAN ADAM» kiyadı iki halkların — gagauzların hem kırgızların uzun yıllar sürtän dostluunu hem kardaşlıını annadȇr.