Mayın 15-dä Tülüküü yaşayannarı Klisä yortusunu baktılar — Ayoz Tanas günü. Çin sabaalendän yortulu liturgiyada toplandılar yaşayannar, musaafirlär hem kuvet azaları dua etmää saalık hem usluluk için.
Klisä yortusu insannarın çoyu için ayırı eri kaplêêr, çünkü o birleştirer evlad boylarını hem koruyêr pravoslav adetlerini.
«Kısmet, bereket hem her keret çok saalık»
«Duralım uslulukta, uşakları korusun».
«Saalık versin Allah, hepsici gelsin kliseyä,dua etsinnär, mir olsun».
«Allah versin saalık, iilik, millertimiz halkımız, küümüzdeki kişileeimiz taa çok gelsin kliseyä, da dolsun buzim Klisecik, büünkü gündä sevindik».
Hram yortusu o diil sıradan bir gün yada yortu, bu islää bir kolaylık toplanmaa barabar, sevinmää büük yortuya hem dua etmää birliktä, — söledi Ayoz Tanas adına klisä izmetçisi Rostislav Daruşın: «Bizim Ayoz Koruyucumuz Afanasiy Aleksandriyskiy.. ne var nicä sölemää — dayanmaj, akıllanmak, dooru yaşamak hem inanmamaa türlü prost işlerä, çünkü hepsini lääzım sora cuvap etmää».
Tülüküü primarı Natalya Popova söledi, ani Hram yortusu toplêêr hepsi insannarı duada hem şükür etmektä.
«Yaşayannarı bu gün kutlêêrım kendi kurbanınnan, Küüyün kurbanınnan, usteerim dilemää saalık, annaşmak.Isteerim Ayoz Tanas korusun insannarı herbir kötüdän, küüyümüzü korusun, olsun taa gözäl, taa mutlu, taa saalıklı»,- Natalya Popova söledi.
GHT deputatı Mihail Popov kutladı hepsini yortuylan , urgulayıp, ani prk önemni korumaa adetleri da brakmaa onnarı küçük evladlara.
«Büün Ay Tanas. Bu bizim küü için pek büük yortu. Biz küçüktän bileriz, ani biz lääzım gelelim kliseyä , biz lääzım unutmayalalım kendi tradiţiyalarımızı.Dönmeyelim kendi dinimizdän, dini koruyalım. Bän isteerim bizim uşaklarımız görsünnär bizi örnek ani bölä yortuları lääzım korumaa hem kutlamaa»,- Mihail Popov kutladı hepsini yortuylan.
Tülüküüdä klisä yortusu adetä görä toplêêr insannarı, gösterip din ruhun zenginniini hem saygıyı gagauz halkın adetlerinä.
Moldovanın hem Gagauziyanın en mekalı haberleri GRTnın Telegram kanalında!