Tülüküüdä küüyün merkezindä geçti art-obyektin açılması. Eni kompoziţiya sevda formasında, adanmış aylä paalılıklarına, oldu Gagauziya Başkanın Evgenianın Guţul baaşışı ana küüyünä.
Olayı art-obyektin açılması için Tülüküüyündä adadılar aylä, sevda hem inanmak gününä. Bu gün Ortodoks inancılar kutlȇȇrlar Ayoz Petrinin hem Fevroniyanın anmak gününü. Gagauziyanın Başkanı Evgeniya Guţul nışannadı, ani eni art-obiekt o onun baaşışı küülülerä hem kendi küüyünä. Başkan annatı, nicä peydalandı bu fikir kurmaa eni obyektı.
«Bu bayramda biz istedik yapmaa ani insannara bu kuudan olsun anmak bu bayramı.Bu obiekt şennendersin insannarda vakıdı geçirmää olsun neredä»,- söledi Başkan Evgeniya Guţul.
Tülüküüyün başı Nataliya Popova nışannadı, ki eni kompoziţiya diil sadece donakladacek küüyü, ama olacek bir çekim merkezi onun yaşayannarına deyni.
«İsterim çok saa ol sölemää hepsina kim pay aldı. Hepsi olsun saalıkta, uslulukta hem annaşmakta»,- ekledi primar.
Sevindilär eni art-objekta küülülär da. Kompoziţiya artık oldu tanınmış er foto yapmak için.
«Çok beendik, çol gozäl çok memnu kaldık. Saa olsun kim bunu yapmış. Basa çıkarmış».
«Çok saa ol ani yaptılar».
«Beendik gozal kim yapti saa ol».
Nışannȇrız, ani Aylä, sevda hem inanmak günü kutlanılȇr iyülün 8-dä. Ortodoks klisesindä bu yortu nışannȇȇr Ayoz Petrinin hem Fevroniyanın anmak günündä. Bu ayozlar sayılȇr evlenmäk koorucuyuları.