Büük oruç — ruh paklanmasının ,duaların hem kimi imeklerdän zapetmäk vakıdı.Büünkü ekonomika koşullarına görä meyvalar hem zarzavatlar ucuz etmeerlär, da çoyu soruş kendilerinä koyёrlar: olur mu tutmaa orucu. Var mı kolaylık aylelerdä kullanmaa eşillikleri ilkyazın.
Tutȇrlar mı Büük orucu, angısı bakılȇr martta hem apreldä, nekadar paalı çıkȇr yaşamaa bölä koşullarda, nesoy zorluklarlan karşılarşȇrlar, cuvap ettilär avtonomiyanın yaşayannarı.
«Kimär sıra bendä tansion kalkȇr,onuştan sade kimär keret tutȇrım,ama herzaman olmȇȇr. Var nicä almaa satın,ama paalı çıkȇr, yok bişey,dayanȇrız. Tutardık gençkenä, şindi sä diil pek».
«Önemni tutmaa,ama yapmȇȇrız bunu,şindi ölä vakıt,paalar başka».
«Şindi gençlär tutmȇȇrlar.Siirek sade. Pensionerlär tutȇrlar.Açan satın alȇrsın ilaç,para kalmȇȇr almaa satın oruç imek mallarını».
«Saalııma görä tutamȇȇrım orucu.Önemni tutmaa,saalık için faydalı,paklanmak için.Ama hepsi paalı.Fasülä -35, kartofi da paalı.Bizim pensiyalarlan,nasıl oruc tutmaa? Gaz için ödedim 3500, açan pensiya 2500».
«Faydalı tutmaa,saalık brakarsa.Oruc- o ii. Ama işleyärkenä zor tutmaa,olmȇȇr. Yazık,ani herzaman tutamȇȇrsın.Ama bakȇrım,ani mantarlar çıkȇrlar hep o paaya da arttırmak olmȇȇr, paalı da pek diil,ama saymadım».
«Olȇr,ani tutamȇȇrım da.Saalık brakmȇȇr, ilaçları satın almaa lääzım.Pek paalı».
«Lääzım orucu tutmaa.Saalık için faydalı, paklamaa deyni güüdeyi o lääzım.Gençlär da tutȇrlar,ama sade onnar,kim Allahı sever hem saalıkları var.Lääzım oruç mallarını satın almaa, ama mallar pek paalı.Görärkenä,ani yortular yada oruç geler- kaldırȇrlar 2-3 kat paaları».
«Çok önemni. Kimdä saalık var, onnar var nicä tutsunnar.Ama oruç malları üüsek paada, hem mantarlar, hem zarzavatlar,meyvalar, fasülä.Sayȇrım,ani küülerdä taa çok insan oruç tutȇr, gençlär dä, yaşlılar da.Kasabalarda – başka türlü».
«Bu oruç çok önemni. İnsan istärsä imää,o bulacek kolaylıı, bakmayarak bişeya. Şindi ölä vakıt,açan insan uzaklaştı klisedän,ama kliseyi unutmaa olmaz».
«Tutmȇȇrım orucu, hastayım. Taa paalı çıkȇr. Zarzavatlar yaanıdan taa paalı.Ama insannar tutȇrlar. Anam tutardı 93 yaşına kadar, her yıl. Kimdä var kolaylık,da kimdä saalık brakarsa, onnar lääzım tutsunnar».
Büük oruç çȇketti 2025 yılın mart ayın 3-dän da sürtecek aprel ayın 19-na kadar. Oruç – o vakıt,açan inancılar kimi imekleri kullanmȇȇrlar, neetleneräk paklanmaa ruh tarafından hem yaklaşmaa Allaha.Paskellä yortusu da bu yıl bakılacek aprelin 20-dä.
Moldovanın hem Gagauziyanın en mekalı haberleri GRTnın Telegram kanalında!