6-çı yıl sıravardı Ferapontevka küüyündä unikal proekt çalışȇr, angısı muzeyi hem eşek fermasını birleştidi . Burada musaafirlär küüyün istoriasınnan meraklanȇrlar, küülülerin kulturasını ürenerlär, hayvannarlan tanışȇrlar.
Alöna Şevçenko Moldovanın poyraz tarafından Ferapontevka küüyünä 18 yıl geri geldi. Grand programaların yardımınnan eski evä eni yaşamak verdi, da unikal onu yaptı .
«Bırada ev bom –boştu.Hepsini,ne görersiniz,yaşayannar burayı getirdilär. Bän kireçledim,tertipledim»,- Alöna Şevçenko söledi.
Bölä Ferapontevka küüyünä kultura hem istotiya muzeyi kuruldu.Burada var nasıl düün giimnerini ,evelki ev tedarıklarını görmää. En unikal ekponat –sandık 1876-cı yıldan. Küüyün yaşayannarına hem muzeyin musaafirlerinä herbir tertip –paalı. Ama muzey -o istoriyanın bir payı. Diil çoktan,şaka olarak, Alöna bir eşek satın aldı.
«Proekt şakadan başladı.Eşek yoktur gördüm, seftä, açan Bucaan erlerinä geldim. Pek istedim eşek muzeydä olsun. Hayvanı satın aldım»,- Alöna Şevçenko söledi.
Satarkana annaştılar, ki hayvanı ii bakmaa. Kısa vakıtta koducak da peydalandı. Şindi fermada 9 taane var.
«Onnar bendä terbiedili, yalpak,dalamȇȇrlar,beenerlär sevsinnär onnarı, fotosessiyalara hazır. Saamaa hem uymaa»,- Alöna Şevçenko söledi.
Eşeklär muzeyin özellii oldular. Bundan karä ,taa bir proekt açıldı- eşek südü yapılması. Bu süt dünnedä en faydalı sayılȇr. O insanın saalıını kaavileştirer, imunitedi kaldırȇr hem natural antibiotik olarak, kullanılȇr.Ama toplamaa südü kolay diil,dikatlı olmaa lääzım .
«Koducak 30 kerä gündä anasına yaklaşȇr, ondan da sıkça hem azarcık saamaa lääzım. En çok bir kerettä 1 stakan süt toplanȇr»,- Alöna Şevçenko söledi.
Ferapontevka küüyünä Ukrainadan -Odesa,İzmail,Çernovţı, Moldovadan –Kauşanı,Kantemir,Kopçak,Kongaz hem başka erlerdän gelerlär. Görmää, südü datmaa, patredä çıkmaa, sevmää hayvannarı.
5 yılın süresindä proekt genişlendi. Alönanın proekti gösterer,nasıl şakadan –büük işlär olabiler, sade havez hem sevgi lääzım olsun.
Gagauziyanın en mekalı haberleri GRTnın Telegram kanalında!