KDU üüretmäk sisteması kalitesini açıkladılar. Açıklandılar koşullar, angıları vereceklär kolaylık studentlerä iş panayırı istediklerinä taa hazır olmaa, taa kolay iş bulmaa hem eni istediklerä hem bilgilerä taa kolay sınaşmaa.
Kvalifikaţiya uurunda milli istediklär vereceklär kolaylık tek sistemanın kurulmasına, angısı iş panayırına doorudulu olacek. Burayı girecek üürenmäk hem evropa standartlarına görä kurallar, nışannadı Kvalifikaţiya uurunda milli departamentin öndercisi Tatyana Gerştega: «Biz pek islää ilerledik, kvalifikaţiya uurunda istedikleri doruttuk. O bilgileri, angılarını biz studentlerä universitetlerdä vereriz, Evropa standartlarınınnan uydurduk. Bizim programalarımız hem Evropa programaları 80%-dä benzeşerlär. Onuştan üürenmäk universitetlerdä Evropa istediklerinä uyȇr».
Büünkü gündä önemni eri kaplȇȇr, Moldovanın diplomnarını yabancı devletlerdä kabletmäk. Büünkü gündä bu soruş pek aktual, nışannadı KDU rektoru Sergey Zahariya: «Büün KDU geçer toplantı, neredä biz çok üüsek uura kaldırȇrız bu soruşları, angıları baalı bizim gençlärlän, angısıları üürenerlär burada-Moldovada. Başardıynan, istärsäydılar gitmää başka devletä çalışmaa yada yaşamaa, bilmää nicä onnarın diplomları sayılacek. İkinci taraftan bizim uşaklar , yada başka devlettän üürenicilär, istärsäydilär gelmää bizä Moldovaya, kendi ana topraana- nesoy onnarın diplomlarını lääzım tanımaa».
Ayırı er verildi üürenmenin praktik tarafını açıklamaya. Studentlerdä diil sade bilgilerin, ama iş panayırında sorumnu praktik becermeklerini dä kabletsinnär lääzım.
Alöna Glavçeva, M.Çakir adına kolecin başı yardımcısı, nışannȇȇr: « Bir iş, açan biz studentleri sade üürederiz , başka bir iş tä, açan biz onnara iş panayırı için becermekleri vereriz. Onuştan, o neyi büün teklif eder Üüretmäk ministerlii getirecek ona, ani kolaylıklar zeedeleneceklär hem iş bulmaa taa kolay olacek. Umutlanȇrız, ani bizim uzmannarımız hem bizdä devlettä hem aşırıda taa sorumnu olaceklar ».
Üüredicilär da nışannadılar, ani zanaat kabledennerä taa raat hem kolay iş bulmaa deyni zanaat uurunda enilikleri geliştirmää lääzım.
Svetlana Dergaç, Komrat kasabası zanaat uçilişçenin englis dili üüredicisi, sayȇr: «Umutlanȇrım, ani bu seminar bitki olmayacek. Bölä seminarlar yardım ederlär bizä doorutmaa bizim studentlerimizin bilgilerini hem becermeklerini konkret uurlara, angılarına görä onnar işlemää gideceklär. Pek islää, açan bizim studentlerimiz bilerlär nereyi onnar gideceklär üürenmäk kurumunu bitirdiktän sora».
Seminarın payalannarı çizgiledilär, ani bölä olaylar pek önemni iki taraflı informaţiyayı kabletmää deyni hem iş panayırında sorumnu becermekleri genç uzmannarda kurmaa deyni. Seminar MD üüretmäk hem araştırmak ministerliin iniţiativasuna görä geçirildi.
Avtor: A. Çebanova, operator: G. Stavilov, montaj: M.Kazaku.
Moldovanın hem Gagauziyanın en mekalı haberleri GRTnın Telegram kanalında!