Enseyişin 80-ci yıldönümünä Valkaneş kasabası cümnä aktivisti, aaraştırıcı Vadim Şinik dünneyä tanıttı kendi kiyadını «Пока мы помним -они живы». Kiyatta annadılȇr Valkaneş dolayından hem dolay küülerindän kahramannar için, angıları pay aldılar İkinci Dünnä cengindä.
Kiyadı «Пока мы помним -они живы» Vadim Şinik yazdı kendi dädularının annatmaklarına görä, angıları İkinci Dünnää cengindä pay aldılar. Bundan kaarä avtor 10 yıldan zeedä işledi arhiv dokumentlerininnän dä.
«Dädularım geçi̇ndi̇ktän sora onnarın hatırına karar verdim bunu yapmaa, ki benim uşaklarıma da kalsın. Bundan kaarä buldum taa çok meraklı kahraman, onnarın yaşamak istoriyalarını»,- söledi avtor.
Kiyatta toplu kahramannarın biografiyaları, aklına getirmekleri, hem askercilerin arhiv materialları, angıları Valkaneş dolayından hem dolay küüylerdän cengä gittilär, nışannadı avtor.
«Pek önemni büünkü evladlara annatmaa, ani bizim kahramannarımız vardı. Biz lääzım bilelim, aklımızda tutalım hem analım»,- nışannadı avtor.
Kiyatta erleştirili kahramannarın çoyu öncä bilinmäzdilär. Dädusunun annatmaklarından kaarä Vadim Şinik kullandı onun dokumentlerini dä.
«Dädum pek sık benimnän lafedärdi, annadardı. Onun geçinmesindän sora bän kaldırdım hem üürendim o dokumentleri, angıları onda evdä vardılar. Materialların taa büük payını bän aldım onun dokumentlerindän hem annatmaklarından»,- urguladı Şinik.
Avtoru nışannadı, ani «Пока мы помним -они живы» kiyadı o evladların hatırı veterannara büünnkü raatlık hem usluluk için.