Valkaneş kasabasında geçti erindeki nasaatın oturuşu. Onun süresindä başka soruşların arasında teklif edildi bakmaa soruşu Gagauziya başkanın kapanmasınnan baalı.
Kasaba nasaatçısı Boris Jelez söledi,ani taa erken nesoysa çıkışları yapmaa.
«O devlet azası. Ne şindi olêr, biz yok nicä verelim nesoysa nota buna. Açan de fakto biz görecez, ani bizä ne sa geldi, ozaman nesa var nicä sölemää»,- Boris Jelez söledi.
Kendi kolegasına cuvap verdi kasaba nasaatçısı Viktor Petrioglo. O teklif etti nasaatçıları kendi düşünmeklerini bu soruşta açıklamaa.
«Çok yannışlık bu vakıdadan oldu herbir taraftan, ama şindi bunnar kendi ambiţiyalar. Teklif ederim soruş için seslerimizi vermää. Kimsa kaldıracek elini, kimsa kaldırmayacek, bukadar»,- Viktor Petrioglo söledi.
Kasaba nasaatın başı Georgiy Kopuşçulu nışannadı,ani nasaatçılar kendi bakışını bu soruşta var nicä açıklasınnar.
«Kim isteer laf almaa, bän dedim, sölesinnär kendi düşünmeklerini. Bizä lääzım daavanın kararı. Biz diiliz daava uzmannarı»,- Georgiy Kopuşçulu nışannadı.
Kasaba nasaatçıları bir karara soruşta baalı başkanın kapanmasınnan gelmedilär.
Avtor: A. Karapirä, operator hem montaj: L. Arfonos
Moldovanın hem Gagauziyanın en mekalı haberleriGRTnın Telegram kanalında!