İyül ayın beşindä kendi übiley duuma gününü bakacȇk GRT cümnä kompaniyanın televizionun baş redaktoru Valentina Koroläk. 35 yıl geeri o yaptı kendi ilk adımnarı zanaatta- geldi teelviziona, angısı ozaman Komrat televiziondu sayılard büün o- GRT cümnä kompaniyası.
55 yaşında iyül ayın beşindä olȇr Valentina Koroläk, GRT televizion komandasının öndercisi. Data simvolik. Ama o kendi yaşlarını saklamȇȇr- bu ţifraların ardında büük bir yol, profesional hem yaşamak becermeklär, angılarınnan o kendi kolegalarınnan paylaşȇr.
«Televiziona geldim 21 yaşında. Benim çalışmam bütünnä televizionnan baalı. Bu benim yaşamam, bu benim işim, benim ayläm»,- nışannadı Valentina Koroläk, GRT kanalın baş redaktoru.
Valentina Koroläk götürer ölä programalı nicä «Общественный интерес», angısında aktual temalar bakılȇrlar, «Пульс»- mediţina tematikasında. O sevgilän lafeder bulgarca- bobasının dilindä, dildä, angısınnan baalı onun küçüklüü, onun kökleri. Bu diil sade anmak- bu onun canın bir payı. O çıktı iniţiativaylan «GRT» ȇfirindä olsun programa bulgar dilindä. Valentina Danilovna oldu gagauz televizionun istoriyasının bir payınnan.
«Valentina Danilovna ii ürekli bir kişi, angısından var nasıl çok türlü iş üürenmää. O becerekli uzman da herbiri kendisinä var nasıl birbişey ondan alsın».
«Valentina Danilovna o iilin bir örnää, o insan angısı kısa vakıtta var nasıl türlü problemaları çözsün».
«Valentina Danilovna — o açık ürekli bir kişi, angısı herzaman yardım edecek. O insan angısı herzaman nasaat erecek hem geeri çevirmeyecek».
«Valentina Danilovna — ii, açık ürekli, becerekli önderci».
Valentina Danilovnayı bilerim çoktan, nicä GRT kompaniyasına geldim. Bilerim onu nicä cana yakın insanı. Nicä önderci o paasız, türlü işi o hızlı yapȇr hem da kolegalar onu sayȇrlar, hatır güderlär.
«İi insan, islää uzman, onunnan ilin işlemää».
Çoyuna Valentina Danilovna — diil sade baş redaktor,ama dost, üüredici, kimä var nasıl danışmaa nasaat için.
«Valentina Danilovna -benim üüredicim, KDU jurnalistikayi götürärdi. Ozaman üüredärdi bizi jurnalistika çzelliklerinä, ama şindi bu bulgileri iştä kullanȇrız. Sayȇrım, ani o kendi işindä profesional hem da var nasıl gençleri da üüretsin»,- nışannadı Tatyana Stavilova, cuvapçı redaktor.
Valentina Koroläk 35 yılın içindä nekadar o televizionda çalışȇr o oldu kendi zanaatını sevmäk simvolunnan, gençlär için örnek hem yardımcı kolegalalrı için. O jurnalistlär konkursların laureatı. Gagauziyanın şannı jurnalistı, insan, angısı gösterdi, ani kendi işinä sevda- bu yol başarlara hem saygıya.
«Jurnalistika- o stresli bir zanaat. Adȇȇrım ona canınada raatlık olsun, hem da herzaman kefi ii olsun».
Sevindirssin bizi kendi kefinnän, yaradıcılık başarlar olsunnar, yanında uşakalr, hısımnar hem dostlar.
«Taa çok gezintilär olsunnar, genç hem gözäl herzaman olsun».
«Taa çok saalık olsun».
«Valentina Danilovna isteeriz adamaa sizä saalık, saalık hem taa bir keret saalık».
«Yaradıcılık başarları».
«Başarılar!»
O diil sade öndercilik eder. Ama o herzaman yanında- olsun o eni yıl programanın çekimneri, yada fidannarın dikmesi. Hepsinnän barabar donadȇr eni yıl çamını, hazırlȇȇr yortuları, katılȇr cümä iniţiativalarına. Ne yardım eder ona ileri gitmää, hem başkaları da aardına çekmää hem kendinä inanmaa? Cuvap – onun laflarında.
«Sade ileri gitmää da inanmaa kendinä hem insana»,- urguladı Valentina Danilovna.
Kendi energiyasınnan hem bitmäz entuziazmasınnan o doldurȇr, birleştirer hem ardına çeker komandayı. Übileylan,Valentina Danilovna! Sade ileri inamaklan kendinä hem insannara.
Moldovanın hem Gagauziyanın en mekalı haberleri GRTnın Telegram kanalında!