Valkaneş dolayında ii tarafa diişilmeklär var. İki yılın süresindä burada çok türlü infrastruktura hem soţial proektleri geliştirildilär. Bunun için Valkaneş dolayı başı İvan Kreţu GRT kanalında «Dialog studiyada» programasında açıkladı.
Birtkii iki yılın süresindä Valkaneş dolayında türlü infrastruktura hem soţial proektleri geliştirildilär, açıkladı dolay başı İvan Kreţu. Onun laflarına görä bu proektlär insannarın yaşamasını taa kaliteli yaptılar.
«Valkaneş dolayı herzaman bir tarafta kalardı. Ama , nicä Guţul E.A. Başkan oldu çok iş yapıldı bizim dolayımızda.Yollar yapıldılar. Brusçatka koyuldu. Sade Tülü küüyündä 6 yol yapıldı. Uşak başçalarında türlü proektlär giriştirildilär»,- İvan Kreţu nışannadı.
Okullar da region öndercilerindän yardım kablettilär, urguladı İvan Kreţu:«S.Rudenko adına gimaziyasında düzüntücülük işleri yapıldılar. Yapı düzüldü. Hep burada kotöllar diişildilär. Yardımı A.Doljnenko adına liţeyi dä kabletti. Kimi okullarda güneş panelleri koyuldular. Bu ȇlektroenergiyayı arttırmaa kolaylıı verer».
En büük proektlerin biri, nicä söledi İvan Kreţu — Çeşmäküüyü hem Tülü küüyü giriş yollarının düzülmesi.
«Çeşmäküüyündä hem Tülü küüyündä giriş yollar yapıldılar. En ilkin 14 milion ley verildi. Şindi dä ta 12 milion verildi. Bunnar bücet paraları. Ama meţenatların yardımınnan da küülär içindä çok yol yapıldı»,- çizgiledi İvan Kreţu.
İ.Kreţu haberledi, ani Valkaneş dolayında proektlerin geliştirilmesi ilerleer. Örnek gibi o söledi, ani Tülü küüyündä Kultura evindä düzüntücülük işleri giderlär. Hep burada tezlää dereyi paklamaa başaracȇklar, da büük yaamurlar yaayarkan, derä boyunda yaşayan insannarın, harmannarı su altında kalmayacȇklar, evlerinä, maazalarına da su girmeyeccek.
Moldovanın hem Gagauziyanın en mekalı haberleri GRTnın Telegram kanalında!