Bu yılın sentäbrinin birindän Vama izmeti kararları tarif habelerlerini ȇlektron formatına geçirdi. Bu dokument mallar taa vama izmetin meydanına girmedään yada çıkmadaan malın tarif koduna baaladılȇr. Vergi kararı hem lääzımnı dokumentlär sınırda o kodtan çekilerlär. Karar üç günün içindä koyuldu, nicä vama izmeti, olä dä iş adamnarı için.
Таrif kodu dokuz țıfradan malların nomenklaturasına görä kurulu. Er o dooru belli edilmediysä, ödemäk farklıı malın kolverilmesindän sora alınacek, bütün paaya da ceza koyulacek. Eni sistema – İTO adlanȇr. «Коmrat» vama postun öndercisi Aleksandr Malaçlı belli eder, ani bu vakıt bildirimnär uzaktan-uzaa yollandırılȇrlar, alış-veriş informaţiya Portalı aşırı.
ALEKSANDR MALAÇLI «Коmrat» vama postun öndercisi
«Bitki eniliklerin birisi — o е-İТО, angısı öncelik tarifli klasifikaţiyalarına baalı.Biz hepsi adımnarı esaba alȇrız, ki zamandaş vakıda görä çalışmaa, mobil olmaa, kendi işimizdä ilerlemää».
Е-İТО sisteması evropa platformasının örneenä görä yapılı, Evropa Komisiyasının hem Litvanın vama izmetin pay almasınnan birliktä. Malaçlı Aleksandrunun laflarına görä, ȇlektron formatına sade bu proţedura geliştirilmeer.
ALEKSANDR MALAÇLI «Коmrat» vama postun öndercisi
«Bizim sistemalarımız enilener, eni kolaylıklar geliştirilerlär, angıları sayȇrız, ani başarlı olaceklar.Bu halklararası uurunda çalışmak olȇr. Haberlerin çoyu bizim saytımızda erleştirili, onnar herkerä enilenerlär. Hepsi kararları, normativ aktlarını orada var kolay bulmaa. Halklararası uurunda çalışmak başka devletlerdän operatorları MD var olan durumnan tanıştıraceklar».
Evropa birliin devletlerindä her yıl 46 bin kararadan çıkȇr. Evropa komisiyasının bazasında 264 bin karardan zeedä var. Moldovada butakım baza koyulu, gelän bildirimnär 3 günün içindä sayıya koyulȇrlar. Bildirimnär sade devlet dilindä kabledilerlär, herbir mal ayırıca sayıya koyulȇr.