MR Minesterliklär arası Gözletmäk nasaatı kabletti kararı 11 kişinin, angıları sankţiyalar altında bulunȇrlar, banka esaplarını hem ekonomika resurslarını kapamaa.O kişilerin arasında Gagauziya Bakannık Komitedin başın yardımcısı Viktor Petrov da bulunȇr.Press-konferenţiyanın iş sırasında, angısını Viktor Ptrov avgustun 8-dä geçirdi, o haberledi, ani onun banka esapları, aktivları hem başka varlıı blok edildi.
MR Minesterliklär arası Gözletmek nasaatı Gagauziya Bakannık Komitedin başın yardımcısının Viktor Petrovun banka esaplarını, varlıklarını hem aktivlarını dondurtmaa kararı 2024 yılın avgustun 1-dä kabletti, avgustun 2-dä dä bu karar kuvedä girdi, açan onu Monitorul Ofiţial dergisindä tiparladılar.Bunun için Viktor Petrov press-konferenţiyada haberledi.
«Saygılı vatandaşlar büün danışȇrım sizä büük güçlän, neçin ki diil çoktan Kontrol etmäk sovedin kararın kuvedi oldu. Laf gider benim hem kimi kişilerin banka sayıların varlıın hem aktivlerin kapanması için. Sayȇrım, ani bu karar kanona karşı kabledildi. Bän Moldova vatandaşı bozmadım birdä üridik normasını,angılar vardı nicä bölä kapanmaklara getirsin. Var nicä bütün ürektän söleyim, ani Evropa kanonnarı da bän bozmadım. Hem da poliţiya tarafından benim adıma aalaşmaklar olmadılar»,- danıştı Viktor Petrov.
Minesterliklär arası Gözletmek nasaatın tarafından bu gibi sınırlamaklar 11 kişiyä dokundular, angıları Evropa Sovedin sankţiyaların altına düştülär.
«(…)Dondurtmaa banka esapları hem ȇkonomika resursları, angıları o kişilerin varlıını kurȇrlar, kim Evropa Sovetın tarafından sankţiyaların altına düştü, da bunun için hemen Moldova Devletin Vergi İzmetini haberlemää, 24 saadın içindä. (…)»,- yazılı dokumenttä.
Viktor Petrov açıkladı, angı onun varlıı sankţiyalar altında bulunȇrlar.
«Ne baalı Evropa sankţiyalarına, bendän aldılar aktivleri, kanona karşı. Aktivlär,varlık,para hepsini aldılar hepsi kompaniyalar, angılar alındılar deklaraţiyada yazılı. Onnarı hepsini bän belli ettim deklaraţiyada, açan deputat postuna gidärdim, sora da Bakannık komitetin başın yardımcı postunda işlemää çekettim. Benim hepsi varlıımı sankţiyaların beterinä bendän aldılar. Bana birda haber gelmedi, sud taa olmadı. Bän bunu bölä brakmıyacam, şindi davalar giderlär, Belgiyada. Bän Evrokomisiyaylan davada dartışȇrım. Bän bitkiyakadar benim haklarımı koruyacam»,- emin Petrov.
Dava insatnţiyalarına Viktor Petrov neetlener danışmaa Minesterliklär arası Gözletmäk nasaatın kararına da görä.
«Bitkidä isteerim söleyim,ani bän susmayacam da bitkiyadan kendi haklarım hem dooruluum için güreşecäm Moldova devletin kanonnarına görä»,- sonuçladı Başkanın yardımcısı Viktor Ptrov.
Evrova Sovedin tarafından sankţiyalar seftä 2023 yılın aprel ayında giriştirildilär Moldovanın danışmasına görä.