Güz vakıdında kuru yaprakları zap ediler yakmaa. Bunun için ceza var nicä koyulsun.
«Yakmȇȇrız.Biz işideriz. Ta islää yakmamaa. İslää, ani var traktor, sıbıdȇrız».
«Evdä musorniya getireriz, burada bilmeerim, naşey yapȇrlar».
«Toplȇȇrlar küüdä».
«Hiç diil islää, zerä koku, yaamuru durgudȇr, bu diil islää».
Güz vakıdında yakmaa yaprakları diil lääzım,neçin ki tünün çok zarrar insanın saalıına getirer, nışannȇr doktor –Anna Buzacı.
«Yapraklar yanmȇȇrlar-tüterlär. Kim soluyȇr bu tütünnän, var nicä burnusu tıkansın, buazı acısın, insan çekeder tıkanmaa, üsürmää. İnsan lääzım hem kendisi korunsun, hem kim yakında bulunȇr, ales uşakları. Var insanda ölä hastalıklar nicä laringit, bronhit, faringit. Onnara soluk etişmeer, kimi insannarda tansion kalkȇr»,- dedi doktor.
Soluun kirlenmesi,tütün,yalınnar kötülük getirerlär ȇkologiya durumuna. Bu beterä yakma yaprakları yasak ediler. Güz vakıdında komunal izmetçileri her gün dalları hem yaprakları ükledip, kasabanın kenarına, gübür poligonuna getirerlär, söleer Komrat komunal izmetin başı İvan Karaman.
«Güz vakıdı tehnika, angısı var bizdä, komunal izmetindä, çıkȇr, paklȇȇr kasaba sokaklarını, parkları dallardan, yapraklardan, gübürlerdän. İsteerim hepsi insannara söleyim yaprakları çuvallara koysunnar daalmasınnar deyni»,- nışannadı İvan Karaman.
Kanona görä yaprakların yakması için insannara 10 bin leydan -15 bin leya kadar ceza olacek, 40 bin leya kadar üridik kişilär cezalanacȇklar.
Avtor: N.Jelezova, operator: S. Georgiev, montaj: İ.Rezuneţ